शिवसेनेचे १० खासदार भाजपच्या संपर्कात, भाजपच्या बड्या नेत्याच्या दाव्यामुळे राजकीय खळबळ

मुंबई : एकीकडे राज्यात एकनाथ शिंदे यांच्यासह शिवसेनेच्या जवळपास ४० आमदारांनी बंड पुकारला असून यामुळे महाराष्ट्राचं संपूर्ण राजकारण हादरवून ठेवलं आहे. अशात आता भाजपकडूनही शिवसेनेवर निशाणा साधण्यात येत आहे. दरम्यान शिवसेनेचे नांदेड उत्तरचे बंडखोर आमदार बालाजी कल्याणकर यांच्या समर्थनार्थ भाजप खासदाराने मोठा दावा केला आहे. यामुळे राजकीय खळबळ उडाली आहे.

शिवसेनेचे १० खासदार भाजपाच्या संपर्कात असल्याचा दावा खासदार प्रताप पाटील चिखलीकर यांनी केला आहे. मंत्री एकनाथ शिंदे यांनी बंड केल्यानंतर एकनाथ शिंदे यांच्या गटात अनेक आमदार सामील झाले आहेत. त्यात नांदेड उत्तरचे आमदार बालाजी कल्याणकर हे देखील सामील झाले आहेत. कल्याणकर यांनी बंडखोरी केल्याने त्यांच्या विरोधात नांदेड जिल्ह्यातील शिवसैनिक आक्रमक झाले आहेत.

हे पण वाचा :

आमदार फोडण्यासाठी 50 कोटीची ऑफर? शिवसेना आमदाराची ‘ती’ ऑडिओ क्लिप व्हायरल ; काय म्हणाले ऐका ..

एका आठवड्यात सोन्याचा भाव 1000 रुपयांनी घसरला, वाचा आजचा प्रति तोळ्याचा भाव

एकनाथ शिंदे गटाचे नाव ठरले ; उद्धव ठाकरेंना मोठा धक्का

एकनाथ शिंदेंनी ट्विट करत सरकारवर केला हा मोठा आरोप

कल्याणकर यांना शिवसैनिक धमक्या देत असल्याची माहिती समोर आली असताना आता भाजपाचे खासदार प्रताप पाटील चिखलीकर हे बंडखोर आमदार बालाजी कल्याणकर यांच्या साठी समोर आले आहेत.