जळगाव : केंद्रीय मंत्री स्मृती इराणी यांच्या पुण्यातील कार्यक्रमादरम्यान झालेल्या राडावरून राष्ट्रवादीच्या नेत्या तथा खासदार सुप्रिया सुळे यांनी यापुढे महाराष्ट्रात कुठल्याही पुरुषाने कुठल्याही पक्षातील महिलेवर हात उगारला तर हात तोडून हातात देईन’, असा इशाराच जळगावात दिला होता.
पुण्यात स्मृती इराणी यांच्या हस्ते केंद्रीय गृहमंत्री अमित शाह यांच्या राजकीय कारकिर्दीची माहिती देणारं पुस्तक प्रकाशन होणार होतं. दिवसभराच्या राड्यानंतर बालगंधर्व रंगमंदिरात हा कार्यक्रम सुरु असताना राष्ट्रवादी काँग्रेसच्या महिला कार्यकर्त्यांनी जोरदार घोषणाबाजी करत गोंधळ घातला. त्यामुळे इराणी यांचा कार्यक्रम काही वेळ थांबवण्यात आला. पोलिसांनी घोषणाबाजी करणाऱ्या महिलांना ताब्यात घेतलं. त्यांना तिथून बाहेर काढत असताना भाजपच्या कार्यकर्त्यांनी त्यांना मारहाण केली, असा आरोप राष्ट्रवादीकडून करण्यात आलाय. या प्रकरणावर सुप्रिया सुळे चांगल्याच संतापल्या.यापुढे महाराष्ट्रात कुठल्याही पुरुषाने कुठल्याही पक्षातील महिलेवर हात उगारला तर हात तोडून हातात देईन’, असा इशाराच त्यांनी दिला होता.
हे पण वाचा :
सेक्स रॅकेटचा भांडाफोड ; चक्क पेन्शनर महिला चालवायची सेक्स रॅकेट
बाप लेकीच्या नात्याला काळीमा फासणारी घटना ; नराधम बापाने केला वर्षभर लेकीवरच अत्याचार!
दोन मुलांना चालत्या ट्रेनमधून फेकले, नंतर स्वतः मारली उडी; धक्कादायक Video समोर
शिधापत्रिकेत हे अपडेट त्वरित करा, तुम्हाला नेहमीच रेशन मिळेल; येथे जाणून घ्या सोपी प्रक्रिया
एअर होस्टेसचा डान्स पहिला का? Video पाहून फॅन व्हाल!
दरम्यान, सुप्रिया सुळे यांच्या इशाऱ्याबाबत विरोधी पक्षनेते देवेंद्र फडणवीस यांनाही विचारण्यात आलं. त्यावेळी फडणवीस म्हणाले की, सुप्रियाताईंनी सर्वच बाबतीत असा निर्णय घ्यायला हवा. यापूर्वी नवनीत राणा यांच्यासोबत जे काही झालं, त्याबाबत सुप्रिया सुळे काहीच बोलल्या नाहीत. यापूर्वी जेव्हा जेव्हा महिलांवर हल्ले झाले त्यावेळी सुप्रियाताई काहीच बोलल्या नाहीत. त्यामुळे सुप्रियाताईंनी महिलांबाबत अशी भूमिका वारंवार घेतली तर आम्ही त्यांचे स्वागत करू, असा टोला फडणवीस यांनी लगावलाय.