जळगाव : जळगाव जिल्हा पोलीस अधीक्षक डॉ. प्रविण मुंढे यांनी पोलीस दलातील चार पोलीस कर्मचाऱ्यांना निलंबित केल्याने पोलीस दलात खळबळ उडाली आहे. पोलीस कर्मचाऱ्यांनी कैद्यांना मोबाईल वापरासह नातेवाईकांना भेटण्याची मोकळीक दिली असल्यामुळे ही कारवाई करण्यात आली आहे. संदीप पंडितराव ठाकरे, पारस नरेंद्र बाविस्कर, किरण अशाेक काेळी, राजेश पुरुषाेत्तम काेळी असे निलंबित पाेलिसांचे नावे आहेत.
काय आहे प्रकरण?
जिल्हा रुग्णालयात उपचारांसाठी दाखल कैदी सतीश गायकवाड व दशरथ महाजन या दोघांमध्ये रविवारी रात्री कैदी वॉर्डात वाद झाले. या प्रकारामुळे वॉर्डात दहशत पसरली होती. साेमवारी पोलिसांनी अदखलपात्र गुन्हा दाखल केला. तर वॉर्ड क्र. ९ मधील डॉक्टरांनी गोपनीय अहवाल वैद्यकीय अधिष्ठातांना दिला. यात रुग्णालयाच्या वॉर्डात येणारे कैदी पोलिसांच्या उपस्थितीत दारू पितात आणि दारूमुळे नशा आल्यावर एकमेकांशी भांडण व हाणामाऱ्या करतात. तिथे त्यांची पत्नी, नातेवाईक, कार्यकर्ते त्यांना भेटायला येतात. त्यांच्यासोबत ते आवारात फिरून येतात. मोबाइलवर बोलत राहतात. त्यांच्या या कृत्यांमुळे जिल्हा रुग्णालयातील शेजारच्या वाॅर्डात दहशत पसरली असून, रुग्णांनाा त्रास होतो आहे, असे नमूद केले होते. त्यामुळे या प्रकरणाचे गांभीर्य वाढले होते.
हे पण वाचा :
पदवी उत्तीर्णांसाठी सुवर्णसंधी! बेसिलमध्ये डेटा एंट्री ऑपरेटरच्या पदांसाठी बंपर भरती
संधी सोडू नका! 10 वी उत्तीर्णांसाठी ‘या’ विभागात 38,926 पदांची मेगा भरती
बँकेत नोकरी मिळवण्याची उत्तम संधी, या बँकेत 690 हून अधिक जागा रिक्त, लवकरच अर्ज करा
भारतीय कृषी संशोधन संस्थेत 462 पदांची बंपर भरती, ग्रॅज्युएट पाससाठी सुवर्णसंधी..
सहायक पोलिस अधीक्षक कुमार चिंथा यांनी चौकशी केली. रुग्णालयाच्या कैदी वॉर्डाबाहेरील दोन सीसीटीव्ही कॅमेऱ्याचे फुटेज सोमवारीच चौकशीसाठी ताब्यात घेतले होते. हे फुटेज स्वत: पोलिस अधीक्षक डॉ. मुंढे यांनी पाहिले. त्यात कर्मचाऱ्यांचा हलगर्जीपणा दिसून आला. न्यायालयीन बंद्यांना गैरप्रकार करण्यासाठी पोलिस सूट देत असल्याचे दिसून आले. कैदी वॉर्डातून बंदी असलेले संशयित विनाकारण बाहेर फिरतात, कुटंुबीय थेट त्यांना भेटतात, घरून जेवणाचा डबा आणला जातो, दारू पिण्याचे व्हिडिओ चित्रित होऊ नये म्हणून वॉर्डातील सीसीटीव्ही कॅमेरा तोडून ठेवला आहे. अशा अनेक गंभीर बाबी सीसीटीव्ही फुटेजमधून उघड झाल्या. चौकशीअंती डॉ. मुंढे यांनी पोलिस कर्मचाऱ्यांच्या हलगर्जीपणावर ठपका ठेवत चाैघा पाेलिस कर्मचाऱ्यांना तातडीने निलंबित करण्यात आले आहे.
