बुलढाणा ! सातेतीनशे वर्षांची परंपार असलेल्या बुलढाणा जिल्ह्यातील भेंडवडची घटमांडणीचे भाकीत आज जाहीर करण्यात आले आहे. त्यानुसार यंदा जून आणि जुलै महिन्यात पाऊस साधारण प्रमाणात पडेल. तर ऑगस्ट महिन्यात चांगला आणि सप्टेंबर महिन्यात पाऊस जास्त असेल असं भाकित वर्तवण्यात आलं आहे.
भेंडवळच्या या भविष्यवाणीकडे संपूर्ण राज्याचं खासकरून शेतकऱ्याचं लक्ष लागलेलं असतं. या मांडणीतून जाहीर केलेल्या अंदाजाबद्दल शेतकऱ्यांमध्ये मोठी उत्सुकता असते. सोबतच राजकीय, सामाजिक व पिकांच्या बाबतीतील भाकीते वर्तवले जाते. अखेर भेंडवडच्या घटमांडणीचे भाकीत आज वर्तविण्यात आले.
पावसाबाबत काय आहे भेंडवळची भविष्यवाणी?
यंदा देशात वरुणराजाची कृपा असणार आहे. जून महिन्यात चांगला पाऊस तर जुलै महिन्यात साधारण पाऊस पडणार आहे
ऑगस्ट आणि सप्टेंबर महिन्यात चांगला पाऊस पडणार आहे.
अवकाळीची चिंता मात्र वर्षभर शेतकऱ्यांना सतावणार आहे.
पिकांबाबत काय आहे भेंडवळची भविष्यवाणी?
यंदा कापूस, उडीद, ज्वारी, हरभरा ही पिकं चांगली येतील आणि पिकांना भावही चांगला मिळेल
वाटाणा, बाजरी, गहू, करडई ही पिकं मध्यम स्वरूपात येतील.
एकंदरीत देशात पीक चांगलं येईल.
बळीराजाला मात्र चिंता जाणवेल, कारण पिकांना भाव मिळणार नाही.
लवकर येणाऱ्या पिकांचं नुकसान होण्याची शक्यता आहे.
देशातील रोगराईबद्दल काय आहे भेंडवळची भविष्यवाणी?
यावर्षीही रोगराई राहणार नाही
कोरोनासारख्या महामारीतून यावर्षभरात तरी दिलासा मिळण्याची शक्यता आहे. देशात रोगराई राहणार नाही.
राजकीय क्षेत्राबद्दल काय आहे भेंडवळची भविष्यवाणी?
देशाच्या राजाची गादी कायम राहणार
सत्ता पालट होणार नाही.
देशावरील संकटावर काय आहे भेंडवळची भविष्यवाणी?
देशाच्या सरंक्षण खात्यावर जास्त दबाव राहणार नाही.
देशाचं संरक्षण चांगलं राहील.
आर्थिक अडचणीत देश असेल.
