नवी दिली : महाराष्ट्र भाजपचे शिष्टमंडळ दिल्लीत पोहोचले आहे. भाजपच्या शिष्टमंडळात किरीट सोमय्या यांच्यासह ५ नेत्यांचा समावेश आहे. भाजपचे शिष्टमंडळ दिल्लीत केंद्रीय गृहसचिवांची भेट घेऊन उद्धव ठाकरे सरकारची तक्रार करणार आहे. नुकतेच किरीट सोमय्या यांच्यावर हल्ला झाला आणि त्यांच्या सुरक्षा कर्मचार्‍यांवर एफआयआर दाखल करण्यात आला, या प्रकरणाची तक्रार करण्यासाठी भाजपचे शिष्टमंडळ दिल्लीत आले आहे.
सूत्रांनी दिलेल्या माहितीनुसार, किरीट सोमय्या यांचे वाहन चालवणाऱ्या कमांडोविरुद्ध एफआयआर कसा नोंदवला गेला, याबाबत भाजपचे शिष्टमंडळ केंद्रीय गृहसचिवांशी चर्चा करणार आहे. त्याच्या चौकशीची मागणी केली जाईल. त्याचबरोबर भाजप नेत्यांवरील हल्ल्यांचे प्रकरणही केंद्रीय गृहसचिवांकडे मांडले जाणार आहे. एक पथक मुंबईत पाठवून या प्रकरणांची चौकशी करावी, अशी मागणी भाजपचे शिष्टमंडळ केंद्रीय गृहमंत्रालयाकडे करू शकते.
महाराष्ट्रातून दिल्लीला पोहोचलेल्या भाजपच्या शिष्टमंडळात किरीट सोमय्या, मिहिर कोटेचा, अमित साटम, पराग शाह आणि राहुल नार्वेकर यांचा समावेश आहे.
