पुणे : राज्यात महिलांवरील अत्याचाराच्या घटना वाढतच चालले आहे. अशातच पुण्यातून एक धक्कदायक घटना समोर आलीय. भाड्याने घर पाहण्यासाठी गेलेल्या 24 वर्षीय महिलेवर बलात्कार केला. या केल्याप्रकरणी एका रिअल इस्टेट एजंटला पोलिसांनी अटक केली आहे.
केशभूषाकार म्हणून काम करणारी ही महिला एका वेबसाइटद्वारे 38 वर्षीय रिअल इस्टेट एजंटच्या संपर्कात आली. एक आठवडाभर भाड्याने उपलब्ध फ्लॅटबद्दल मेसेजद्वारे (Message) त्याच्याशी संवाद साधला. शुक्रवारी रात्री आरोपीने महिलेला घर पाहण्यासाठी बोलावले. जेव्हा ती महिला वाघोली परिसरात पोहोचली, तेव्हा आरोपीने फ्लॅटचा मालक येईपर्यंत वाट पाहण्याच्या बहाण्याने तिला त्याच्या घरी नेले, असे अधिकाऱ्याने सांगितले. तिथे तिला धमकावत तिच्यावर अत्याचार केला.
महिलेची वैद्यकीय तपासणी
जेव्हा ते आरोपीच्या घरी पोहोचले तेव्हा त्याने कथितपणे तिला तिचे कपडे काढण्यास सांगितले आणि त्याच्या फोनवर हे सर्व रेकॉर्ड केले, असे पोलिसांनी महिलेच्या तक्रारीचा हवाला देऊन सांगितले. त्यानंतर त्या व्यक्तीने महिलेला व्हिडिओ व्हायरल करण्याची धमकीही दिली. पीडितेने नंतर वॉशरूममध्ये जाण्यास सांगितले. त्यानंतर त्या व्यक्तीला आतून बंद करून ती घराबाहेर पडण्यात यशस्वी झाली. परिसरातील रहिवाशांना या महिलेने मदत मागितली. त्यानंतर आरोपीला अटक करण्यात आली आहे. दरम्यान, महिलेला वैद्यकीय तपासणीसाठी पाठवण्यात आले आहे, असेही पोलिसांनी सांगितले.
