मुंबई : संपकरी एसटी कर्मचाऱ्यांनी राष्ट्रवादीचे अध्यक्ष शरद पवार यांच्या निवासस्थानी घुसखोरी करत आंदोलन केलं. यामुळे राज्यात जोरदार आरोप प्रत्योरोप सुरू असून अशातच मंत्री जितेंद्र आव्हाड नी एक खळबळजनक आरोप केला आहे. शरद पवाांच्या घरात घुसून त्यांना इजा पोहोचवायची होती, असा खळबळजनक दावा केला आहे.
आझाद मैदानावर एसटी कर्मचाऱ्यांचे आंदोलन संपल्यानंतर अचानक दुपारी शरद पवार यांच्या सिल्व्हर ओक या निवास्थानी मोठ्या संख्येनं एसटी कर्मचारी अचानक जमा झाले होते. यावेळी या कर्मचाऱ्यांनी जोरदार घोषणाबाजी करत पवार यांच्या घराच्या दिशेनं चप्पला सुद्धा फेकून मारल्या होत्या. या प्रकरणावर जितेंद्र आव्हाड यांनी आज ट्वीट करून वेगळाच दावा केला आहे.
दरम्यान जितेंद्र आव्हाड म्हणाले, शरद पवार हे घाबरणारे नाहीत, महात्मा गांधी देखील घाबरणाऱ्यांपैकी नव्हते त्यांच्यावर 5 वेळा हल्ला केला. माझे स्पष्ट मत आहे की परवारांच्या घारावरील हल्ला हा प्लांट होता. तो कट होता, त्यांनी रेकी केली होती, शरद पवार यांच्या घराचे दरवाजे कसे उघडे असतात, याची सर्व चौकशी केली होती. त्यामुळे माझा असा आरोप गंभीर आरोप आहे की त्यांनी घरात घुसून शरद पवारांना इजा केली असती, असा थेट आरोप जितेंद्र आव्हाड यांनी केला आहे.
