धुळे : शेतीवरच उदरनिर्वाह असलेल्या शिरपूर तालुक्यातील एका तरुण शेतकऱ्याने शेतात काहीच उत्पन्न येत नसल्याने कर्जबाजारीपणाच्या नैराश्यात तापी नदीत उडी घेऊन आत्महत्या केल्याची घटना घडली आहे. महेंद्र युवराज पाटील ३२ रा नेवाडे ता. शिंदखेडा जि. धुळे, असं मृताचे नाव आहे. याबाबत शिंदखेडा पोलीस स्टेशनमध्ये नोंद करण्यात आली आहे.
राज्यात शेतकऱ्यांच्या आत्महत्येचं सत्र काही थांबताना दिसत नाही. अशातच गिधाडे गावातील तापी नदीपात्रात एका तरुण शेतकऱ्याने नदीत उडी घेऊन आत्महत्या केली. मयत महेंद्र पाटील याचे काका मोतीलाल लुका पाटील यांनी या संदर्भात शिंदखेडा पोलीस स्टेशनमध्ये माहिती देत नोंद केली आहे. त्यात म्हटलं आहे की, महेंद्र युवराज पाटील वय वर्ष ३२ हा त्याच्या आई सोबत नेवाडे येथे राहत होता. शेती व्यवसाय करुन त्यावर त्याच्या कुंटूंबाचा उदरनिर्वाह होता. मात्र, शेतात काही एक उत्पन्न येत नसल्यानं महेंद्र पाटील कर्जबाजारी झाला होता व महेंद्र पाटील कायम नैराश्यात राहत होता.
हे पण वाचा :
धक्कादायक ! ३ वर्षाच्या लेकीसह आईची धावत्या रेल्वेतून उडी घेऊन आत्महत्या
कर्जबाजारीला कंटाळून तरुण शेतकऱ्याची तापी नदीत उडी घेऊन आत्महत्या
आ. गिरीश महाजनांच्या उपस्थित ५० कार्यकर्त्यांचा भाजपमध्ये प्रवेश
Video ! उर्फी जावेदने घातला असा ड्रेस कि करावा लागला अश्लील कमेंट्सचा सामना
सकाळी नऊ वाजेच्या सुमारास आईसाठी औषधी घेण्यासाठी जात असल्याचं सांगून गेला. त्यानंतर महेंद्र पाटील याने गिधाडे गावातली तापी नदीपात्रात उडी घेऊन आत्महत्या केल्याची माहिती मिळाली. त्यांचा मृतदेह सायंकाळी स्थानिक नागरिकांच्या मदतीने बाहेर काढण्यात आला. महेंद्र पाटील याचा मृतदेह शिंदखेडा रुग्णालयात दाखल केल्याचं सांगण्यात आलं आहे. त्यानंतर पुढील तपास पोलीस करत असल्याची माहिती सूत्रांनी दिली आहे.
