मुंबई | मुंबईच्या महापौर किशोरी पेडणेकर यांनी ‘झी मराठी’ वाहिनीवरील ‘किचन कल्लाकार’ या मालिकेत उपस्थिती लावली होती. यावेळी महापौरांकडून राजकीय फटकेबाजी करण्यात आली.
झी मराठीकडून या भागाचा टिझर इन्स्टाग्रामवर टाकण्यात आला आहे. यामध्ये महापौर किशोरी पेडणेकर यांना काही मजेशीर प्रश्न विचारण्यात आले आहेत. किशोरी पेडणेकरही यांनीही नेहमीच्या बिनधास्त शैलीत या प्रश्नांना उत्तर दिली आहेत. किशोरी पेडणेकर यांना एक टास्क देण्यात आला होता. त्यावेळी त्यांना एखादी गोष्ट दाखवून, ती पाहिली कोणाचा चेहरा आठवतो, असे प्रश्न त्यांना विचारले जात होते.
https://www.instagram.com/p/Cb_tO7Qqk0f/?utm_source=ig_web_copy_link
यामध्ये सर्वप्रथम किशोरी पेडणेकर यांना जिलेबी दाखवण्यात आली. ती पाहून आपल्याला आमदार गिरीश महाजन यांचं नाव आठवतं, असे पेडणेकर यांनी म्हणाल्या. त्यानंतर सुरी दाखवण्यात आली असता किशोरीताईंनी संजय राऊतांचं नाव घेतलं.तर भोंगा दाखवल्यानंतर पेडणेकर यांनी किरीट सोमय्या यांचं नाव घेताच उपस्थितांमध्ये एकच हशा पिकला. त्यामुळे ‘किचन कल्लाकार’च्या आजच्या आणि उद्याच्या भागात चांगलीच धम्माल पाहायला मिळणार आहे. बुधवारी आणि गुरुवारी रात्री साडेनऊ वाजता ‘झी मराठी’वर मालिकेचा हा भाग प्रसारित होणार आहे. काही दिवसांपूर्वी या मालिकेत अमृता फडणवीस, रोहित पवार, प्रणिती शिंदे आणि पंकजा मुंडे यांनीही हजेरी लावली होती.
