पाचोरा – (प्रतिनिधी) पाचोरा भडगाव विधानसभा मतदारसंघात अपक्ष उमेदवार म्हणून युवानेते अमोल शिंदे आज दिनांक ४ ऑक्टोंबर रोजी आपला उमेदवारी अर्ज भरणार आहेत.
या निमित्ताने तारीख ४ रोजी सकाळी दहा वाजता आठवडे बाजार चौकात जाहीर सभेचे आयोजन करण्यात आले आहे. येथील सभा आटोपल्यानंतर अमोल शिंदे आपल्या हजारो समर्थकांसह रॅली काढणार असून आठवडे बाजार, सराफ बाजार, जामनेर रोड मार्गे रॅलीचे छत्रपती शिवाजी महाराज चौकात आगमन होईल.येथे आल्यानंतर अमोल भाऊ शिंदे हे छत्रपती शिवाजी महाराजांच्या पुतळ्याला व भारतरत्न डॉ. बाबासाहेब आंबेडकर यांच्या पुतळ्याला माल्यार्पण करून अभिवादन करतील. त्यानंतर प्रांताधिकारी कार्यालत आपला उमेदवारी अर्ज दाखल करतील. या सभेत उमेदवार अमोल भाऊ आपला संकल्प जाहीर करणार असून या सभेला पाचोरा-भडगाव तालुक्यातील जास्तीत जास्त मतदारांनी, नागरिकांनी उपस्थित राहावे असे आवाहन करण्यात आले आहे.
