संपूर्ण राज्यभरात काल पासून महादेव मंदिरा बाहेर असलेले नंदी दूध पित असल्याच्या मॅसेज सोशल मीडियावर तुफान फिरल्यानं राज्यातील अनेक जिल्ह्यांमध्ये मंदिराबाहेर रांगा लागल्याचे पाहायला मिळाल्या.मॅसेज तुफान व्हायरल झाल्याने औरंगाबाद, धुळे, जालना, जळगाव, नाशिक, बुलढाणा, अमरावती, वाशिमध्ये या अफवा पसरल्या आहेत.
नागरिकांनी लावाल्या मंदिरा बाहेर रांगा…
राज्यातील महादेव मंदिरातील नंदी दूध पित असल्याचा मॅसेज जसा जसा सोशल मीडिया वर व्हायरल होतं होता तसं तसा अनेक ठिकाणी नागरिक मंदिरात जाऊन नंदीला दूध पाजत असल्याचं समोर आलं आहे. तर तिकडे जळगाव, नाशिकमध्ये नंदीला दूध पाजण्यासाठी नागरिकांच्या मंदिराबाहेर रांगा लागल्याचं समोर आलं आहे.. तर जळगाव शिरसोलो मध्ये नंदी दूध पीत असल्याचं माहित होताच मंदिरात नागरिकांनी एकच गर्दी केली.
अंधश्रद्धा निर्मुलन समिती काय म्हटलं…
याबाबत अंधश्रद्धा निर्मुलन समितीनं म्हटलं आहे की, नंदी पाणी पितो, अशा प्रकारचा चमत्कार घडत असल्याची अफवा महाराष्ट्रात ठिकठिकाणी घडत असल्याचे सांगण्यात येत आहे व तसे व्हिडिओ प्रसारित होत आहे. खरंतर चमत्कार कधीही घडत नसतात. अशा घटनांच्या पाठीमागे विज्ञानाचे नियम, हात चलाखी, रसायनाचा वापर, सराव अशा गोष्टी असतात. म्हणून नंदी दूध पितो, ही सुद्धा अफवाच आहे. या घटनेमागील शास्त्रीय कारण म्हणजे द्रवाचा पृष्ठीय तणाव किंवा इंग्रजीत,ज्याला सरफेस टेन्शन म्हणतात तो आहे. अशा प्रकारच्या विज्ञानाच्या नियमांवर आधारित असलेली ही घटना आहे.म्हणून भाविकांनी आणि कोणीही अशा अफवांवर विश्वास ठेवू नये, असे अंधश्रद्धा निर्मूलन समितीतर्फे अवाहन करण्यात आले आहे.
