भारतीय रिझर्व्ह बँकेत या पदासाठी करा तात्काळ अर्ज ; बम्पर भरती

बँकेत नोकरीचा शोध घेणाऱ्यांसाठी मोठी संधी उपलब्ध झाली असून इच्छुक उमेदवारांनी तात्काळ भारतीय रिझर्व्ह बँकेत नोकरी करिता अर्ज करावयाचा आहे. अर्ज करण्याची शेवटची तारीख आठ मार्च असून भारतीय रिझर्व्ह बँकेने मोठी भरती जाहीर केली आहे.

साडेनऊशे पदांची भरती….

भारतीय रिझर्व्ह बँकेने तब्बल 950 सहाय्यक पदांसाठी अर्ज मागविले आहेत. या पदांसाठी अर्ज करण्यासाठी, उमेदवार अधिकृत वेबसाइटला भेट देऊन अर्ज करू शकतात उमेदवार 8 मार्च 2022 पर्यंत ऑनलाइन अर्ज करू शकतात.विशेष म्हणजे पदवी उत्तीर्ण उमेदवार देखील या पदांसाठी अर्ज करण्यास पात्र आहेत.

अशी असेल निवड प्रक्रिया….

या पदांवरील निवड प्राथमिक परीक्षा, मुख्य परीक्षा आणि LPT परीक्षेच्या आधारे केली जाईल. पदांवर नियुक्ती झाल्यानंतर, उमेदवारांना अधिकृत अधिसूचनेद्वारे किती पगार मिळेल याबद्दल अधिक माहिती मिळू शकते. RBI सहाय्यक पदांसाठी निवडलेल्या उमेदवारांना दरमहा 20,700 रुपये वेतन दिले जाईल.त्याच वेळी, 265 रुपये अतिरिक्त पगार, रुपये 2200 ग्रेड भत्ता, 12,587 महागाई भत्ता, 2238 घरभाडे, 2040 विशेष भत्ता आणि 1793 रुपये स्थानिक नुकसान भरपाई भत्ता दिला जाईल. एकूणच, निवडलेल्या उमेदवारांना दरमहा सुमारे 40,000 रुपये पगार दिला जाईल.