जळगाव, (प्रतिनिधी)- दीपस्तंभ फाऊंडेशन मनोबलच्या १६० दिव्यांग, अनाथ आणि वंचित विदयार्थ्यांनी पीव्हीआर मल्टीप्लेक्स मध्ये क्रिकेटवर आधारित ८३ ह्या चित्रपटाचा आनंद घेतला.मुंबईतील चित्रपट दिग्दर्शक आशिष वाघ यांनी मनोबल प्रकल्पातील दिव्यांग, प्रज्ञाचक्षू आणि अनाथ विद्यार्थ्यांसाठी ८३ या चित्रपटाचा विशेष शो आयोजित केला होता.
यजुर्वेंद्र महाजन यांनी या प्रसंगी प्रज्ञाचक्षू विद्यार्थ्याना चित्रपट कसा समजावा याबाबतीत मार्गदर्शन केले.या प्रसंगी पीव्हीआरचे मॅनेजर यांनी आणि त्यांच्या टीमने मनोबलाच्या सर्व विद्यार्थ्यांना विशेष सहकार्य केले.या प्रसंगी चित्रपटातून विद्यार्थ्यांनी काय बोध घेतला या संदर्भात चर्चा करण्यात आली.विद्यार्थ्यांनी त्या संदर्भात मनोगते व्यक्त केली.
आम्ही मनोबलच्या विद्यार्थ्यांना साधारण दोन महिन्यातून एक चित्रपट दाखवतो.या माध्यमातून त्यांच्यातील आत्मविश्वास वाढण्यास मदत होते.एक साधारण विद्यार्थी दुसऱ्या प्रज्ञाचक्षू किंवा कर्ण बधीर विदयार्थ्याला पडद्यावर चालणारे दृश्य समजावून सांगतो.यामुळे त्यांचे परस्परातील संबंधही द्रुढ होतात आणि सोबत समन्वय साधण्याची कला हि त्यांच्यात विकसीत होते.आम्ही कुठेही कमी नाही आणि सर्व सामान्यांन प्रमाणे आयुष्य जगू शकतो हा विश्वास या निमित्ताने त्यांच्यात निर्माण करण्याचा आमचा प्रयत्न असतो अशा भावना या वेळी यजुर्वेंद्र महाजन यांनी व्यक्त केल्या.
