नवी दिल्ली : टेलिकॉम कंपन्या रिलायन्स जिओ, एअरटेल, वीआय आणि बीएसएनएलकडे २०० रुपयांच्या बजेटमध्ये येणारे काही शानदार प्लान्स आहेत. या प्लानमध्ये दररोज एक जीबी डेटासह अनेक फायदे मिळतील. या प्लान्सविषयी सविस्तर जाणून घेऊया.
Jio १४९ रुपयांचा प्लान
जिओच्या १४९ रुपयांच्या प्लानची वैधता २० दिवस असून, यात एकूण २० जीबी डेटा मिळतो. हा डेटा समाप्त झाल्यानंतर ६४ केबीपीएसच्या स्पीडने नेट वापरू शकता. प्लानमध्ये अनलिमिटेड कॉलिंग, दररोज १०० एसएमएस आणि Jio TV, Jio Cinema, Jio Cloud, Jio Security सारख्या जिओ अॅप्सचे मोफत सबस्क्रिप्शन मिळेल. समान बेनिफिट्ससह येणारे कंपनीकडे १७९ रुपये आणि २०९ रुपयांचे प्लान्स देखील आहेत. मात्र, यांची वैधता क्रमशः २४ दिवस आणि २८ दिवस आहे.
एअरटेलचा २०९ रुपयांचा प्लान
एअरटेलच्या २०९ रुपयांच्या प्लानची वैधता २१ दिवस असून, यात दररोज १ जीबी डेटा मिळतो. याशिवाय अनलिमिटेड वॉइस कॉल आणि दररोज १०० एसएमएसची सुविधा मिळेल. १०० एसएमएस समाप्त झाल्यानंतर लोकल एसएमएससाठी १ रुपये आणि एसटीडीसाठी १.५ रुपये शुल्क द्यावा लागेल. कंपनीकडून १५५ रुपयांचा देखील प्लान असून, यात २४ दिवसांसाठी दररोज १ जीबी डेटा मिळतो.
हे देखील वाचा :
चेक पेमेंट सिस्टम बदलली ! जाणून घ्या अन्यथा तुमचा चेक परत केला जाईल
अरे बापरे..! जळगावात अतिथंडीमुळे चौघांचा मृत्यू
12 वी पास तरुणांना केंद्र सरकारी नोकरीची संधी..SSC मार्फत बंपर भरती जाहीर
जळगाव जिल्ह्यात केळी पिक घेणाऱ्या शेतकऱ्यांसाठी महत्वाची माहिती ; जाणून घ्या
वीआयचा १९९ रुपयांचा प्लान
वीआयच्या १९९ रुपयांच्या प्लानमध्ये दररोज १ जीबी डेटा, अनलिमिटेड कॉलिंग आणि दररोज १०० एसएमएसची सुविधा मिळते. प्लानमध्ये बिंज ऑल नाइट आणि वीआय टीव्हीचे अतिरिक्त बेनिफिट्स मिळेल. कंपनीकडे दररोज १ जीबी डेटासह येणारे १४९ रुपये, १५५ रुपये, २१९ रुपये, २३९ रुपये आणि २६९ रुपयांचे प्लान देखील आहेत.
बीएसएनएलचा १५३ रुपयांचा प्लान
बीएसएनएलच्या १५३ रुपयांच्या प्लानमध्ये दररोज १ जीबी डेटासह अतिरिक्त ५ जीबी डेटा मिळतो. प्लानमध्ये अनलिमिटेड कॉलिंग, दररोज १०० एसएमएस, मोफत कॉलर ट्यूनसाठी पीआरबीटी सेवा हे बेनिफिट्स मिळतात. प्लानची वैधता २८ दिवस आहे