आमदार राजूमामा भोळे 3 रोजी भरणार उमेदवारी अर्ज ! 

जळगाव (प्रविण सपकाळे) – जळगाव शहर विधानसभा मतदार संघांचे विद्यमान आमदार सुरेश दामू भोळे(राजूमामा)मित्र परिवारातर्फे आदित्य लॉन येथे नुकताच स्नेह मेळाव्याचे आयोजन करण्यात आले होते.याप्रसंगी आमदार चंदूभाई पटेल,भागवत भंगाळे, आर्किटेक्ट कोल्हे,श्रीराम खटोड, नंदू शेठ अडवाणी, वक्ते राजेंद्र नन्नवरे, रत्नपारखी सर तसेच राजुमामांचे मित्रपरिवार उपस्थित होते.जळगाव शहर मतदार संघात राजूमामा भोळे यांनी जोरदार मोर्चे बांधणी केल्याने उमेदवारी अर्ज भरण्याच्या दिवशी मतदार, कार्यकर्ते, हे स्वयंस्फूर्तेने हजारोच्या संख्येने उपस्थित राहतील असा अंदाज वर्तविण्यात येत आहे. 

यावेळी राजूमामा भोळे यांनी उपस्थित मतदारांशी संवाद साधतांना जळगावच्या विकासासाठी मला साथ द्या…असे आवाहन करत ३ ऑक्टोबर रोजी उमेदवारी अर्ज दाखल करणार असून यावेळी आपण मोठ्या  संख्येने आशीर्वाद देण्यास याल अपेक्षा व्यक्त केली असता उपस्थितांमधून मोठा प्रतिसाद मिळाला.

गेली पाच वर्ष राजूमामा शहरात सतत संपर्कात...

जळगाव शहर मतदार संघातून सुरेशदादा जैन यांचा पराभव करून दमदार आमदार झालेले राजूमामा भोळे हे आमदार झाल्यापासून तर आज पर्यंत सतत मतदार संघात संपर्कात होते.जनसामान्यांना त्यांचे समाधान होई पर्यन्त काम मार्गी लावून देण्यात त्यांनी कधी माघार घेतली नाही.लहान -मोठे सामाजिक उपक्रमांना राजुमामांनी नेहमीच हजेरी लावली.त्यामुळे त्यांचे जळगाव शहरातील तमाम सामाजिक संस्था, प्रतिष्ठान, संघटना यांच्याशी सलोख्याचे संबंध राहिले आहेत.कधीही बडेजाव पणा न करता सामान्य कार्यकर्त्यां प्रमाणे आमदार मामा यांनी जळगाव शहर मतदार संघात उत्कृष्ट काम केल्यानेच पक्षाने त्यांना पुन्हा संधी दिली आहे.त्यामुळे पक्ष त्यांच्या पाठीशी खंबीर पणे उभा आहे हे दिसून येते.विरोधी पक्षाकडे राजुमामांनाच्या समोर द्यायला दमदार उमेदवार नसल्याने ही निवडणूक एकतर्फी होईल व राजुमामा भोळे यांचा विजय निश्चित होईल असे मानले जात आहे.