जळगाव, (प्रतिनिधी) – येथून जवळच असलेल्या कुसुंबा येथे पतंग उडवीत असतांना एका १० वर्षीय मुलाला विजेचा शॉक लागून मृत्यू झाल्याची दुर्दैवी घटना आज दिनांक १४ रोजी १२ वाजेच्या सुमारास घडली आहे.पतंग उडविणे विद्यार्थ्यांच्या जीवावर बेतले आहे.
याबाबत सविस्तर असे की,जळगाव येथील न्यू इंग्लिस मेडियमचा विद्यार्थी कुसुंबा, गणपती नगर येथील रहिवाशी हितेश ओंकार पाटील (वय १० वर्ष) हा सकाळी १२ वाजेच्या सुमारास पंतग उडवीत होता. त्याचा पतंग विजेच्या खांबावर अडकला होता. हा पतंग काढत असतांना त्याला विजेचा धक्का लगून जागीच मृत्यू झाला. मकरसंक्रांतीच्या दिवशीच दुर्दैवी घटना घडल्याने सर्वत्र हळहळ व्यक्त होत आहे.
