मुक्ताईनगर, (प्रतिनिधी)- माजी मंत्री भाजपा नेते गिरीश महाजन यांच्यावर टीका करत असतांना महाजनांना ‘बुधवार पेठेत’ पाठवावे लागेल असं वक्तव्य राष्ट्रवादीचे नेते माजी मंत्री एकनाथराव खडसे यांनी केलं होतं या वक्तव्यावरून राजकीय वातावरण चांगलेच तापले असतांना ‘बुधवार पेठेच्या’ वक्ताव्यावर मोठं स्पष्टीकरण दिलं आहे.
महाजनांना ‘बुधवार पेठेत’ पाठवावे लागेल या वक्तव्यावर स्पष्टीकरण देतांना खडसे म्हणाले की आ.महाजन यांना दुसर्यांदा कोरोना झाल्यामुळे त्यांना पुणे येथील बुधवार पेठ मधील दगडूशेठ हलवाई गणेशाने आशीर्वाद द्यावा, यातून ते लवकर बरे व्हावे असे आपल्याला म्हणायचे होते.
मात्र मनी वसे ते स्वप्नी दिसे….दृष्टी तशी सृष्टी या म्हणींनुसार याचा वेगळाच अर्थ घेण्यात आला असल्याचं स्पष्टीकरण माजी मंत्री एकनाथराव खडसे यांनी केले.
भाजपा नेते गिरीश महाजन यांना बुधवार पेठेत पाठवावे लागेल या वक्तव्याने राजकीय वर्तुळात खळबळ उडाली होती मात्र अखेर या वाक्तव्यावर पडदा टाकत खडसेंनी ”दगडूशेठ हलवाई गणेशाने विकृत बुध्दीच्या लोकांना सुबुध्दी द्यावी प्रार्थना केली आहे.