नवी दिल्ल : या वर्षी पाच राज्यांमध्ये होणाऱ्या विधानसभा निवडणुकीच्या 2022 च्या तारखा जाहीर झाल्या आहेत. उत्तर प्रदेश, पंजाब, उत्तराखंड, गोवा आणि मणिपूर या राज्यांमध्ये निवडणुका होणार आहेत. उत्तर प्रदेशमध्ये विधानसभेच्या एकूण ४०३ जागा आहेत आणि सध्या भाजपच्या नेतृत्वाखालील योगी आदित्यनाथ सरकार आहे. गोवा, उत्तराखंड आणि मणिपूरमध्येही भाजपचे सरकार आहे. तर पंजाबमध्ये काँग्रेसचे सरकार आहे. यावेळी या निवडणुकांमध्ये आम आदमी पक्षही काँग्रेस आणि भाजपला टक्कर देऊ शकतो.
शनिवारी निवडणूक आयोगाने निवडणुकीच्या तारखा जाहीर केल्या. या निवडणुकीतील विशेष बाब म्हणजे उमेदवारांना त्यांचे फॉर्म ऑनलाइनही भरता येणार आहेत. त्याचा जास्तीत जास्त वापर करण्याचे आवाहन निवडणूक आयोगाने राजकीय पक्षांना केले आहे. यावेळी सर्व राज्यांच्या निवडणुका एकूण 7 टप्प्यात होणार आहेत.
उत्तर प्रदेश
पहिल्या टप्प्यातील मतदान 10 फेब्रुवारीला होणार आहे.
दुसरा टप्पा- 14 फेब्रुवारी
तिसरा टप्पा- 20 फेब्रुवारी
चौथा टप्पा- 23 फेब्रुवारी
पाचवा टप्पा- २७ फेब्रुवारी
सहावा टप्पा – ३ मार्च
सातवा टप्पा- 7 मार्च
गोवा, पंजाब आणि उत्तराखंड
निवडणुका एकाच टप्प्यात होतील
14 फेब्रुवारी रोजी मतदान होणार आहे
मणिपूर
२७ फेब्रुवारी आणि ३ मार्चला दोन टप्प्यात मतदान
10 मार्च रोजी निकाल – निवडणूक आयोग
