औरंगाबादः सध्या सोशल मीडियावर एक व्हिडीओ तुफान व्हायरल होत आहे. तो म्हणजे धावत्या दुचाकीवरून कपलने एकमेकांना मिठी मारत चुंबन करताना दिसले आहेत. रस्त्यावरून प्रवास करणाऱ्या एका व्यक्तीने संबंधित घटनेचा संपूर्ण व्हिडीओ आपल्या मोबाइलमध्ये रेकॉर्ड केला आहे. या घटनेचा व्हिडिओ सध्या सोशल मीडियावर वेगाने व्हायरल होतं असून अनेक नेटकरी प्रतिक्रिया देताना दिसत आहे.
दरम्यान, सोशल मीडियावर धुमाकूळ घालणाऱ्या औरंगाबादच्या व्हिडिओतील रोडरोमियोला पोलिसांनी अटक केली आहे. औरंगाबाद पोलिसांनी या गोष्टीची दखल घेत अवघ्या 24 तासात या रोडरोमियोला अटक केली.
खुल्लम खुला प्यार करेंगे, औरंगाबादेत चालत्या दुचाकीवर प्रेमीयुगुलाचा KISSING सीन, VIDEO व्हायरल pic.twitter.com/emBkiFCQQc
— The मराठी Medium (@MarathiMedium) January 3, 2022
पोलिसांनी या रोडरोमियोचा तपास करून त्याला शोधले. एवढ्या जीवघेण्या आणि अश्लील कृत्याचे कारण विचारले. तेव्हा चौकशीतून सगळे सत्य समोर आले. सूरज गौतम कांबळे (23,रा. बीड बायपास) असे या तरुणाचे नाव आहे. सूरज हा सूतगिरणी चौकातील कापड दुकानाच सेल्समन आहे. तो एमएमचे शिक्षण घेतो. वडील गवंडी काम करततात. त्याची प्रेयसीदेखील महाविद्यालयात शिक्षण घेते. हे दोघेही नातेवाईक असून काही दिवसात लग्न करणार आहेत, असे त्याने सांगितले.
या युगुलानं धावत्या दुचाकीवर एकमेकांना मिठी मारली. हे प्रकरण फक्त मिठी मारण्यापर्यंत थांबलं नाही. त्यापुढची अनेक जीवघेणी पावलंही उचलली. भररस्त्यात धावत्या दुचाकीवर या युगुलानं अश्लील चाळे करत सगळ्या सीमा ओलांडल्या. गाडीवरच या जोडप्यानं एकमेकांना मिठी मारली. त्यानंतर अश्लील चाळे केले. धावत्या दुचाकीवर अश्लील चाळे करणारे हे स्टंटबाज युगुल कॅमेऱ्यात कैद झाले.
