मुंबई : बॉलिवूड अभिनेता सलमान खानला साप चावला आहे. पनवेल येथील फार्महाऊसवर शनिवारी आणि रविवारी मध्यरात्री सलमान खानला साप चावला. सर्पदंश झाल्यानंतर सलमानला तत्काळ हॉस्पिटलमध्ये दाखल करण्यात आलं होतं. उपचारांनंतर त्याची प्रकृती स्थिर असल्याची माहिती डॉक्टरांनी दिली आहे. साप बिनविषारी असल्यानं मोठा धोका टळला आहे.
उपचारानंतर सलमान खान आज सकाळी ९ वाजता त्याच्या पनवेलच्या फार्महाऊसवर परतला. सलमान खानची प्रकृती धोक्याबाहेर आहे. या बातमीनंतर सलमान खानचे चाहते तो लवकर बरा व्हावा यासाठी प्रार्थना करत आहेत. मात्र, सलमानच्या तब्येतीला कोणताही धोका नसणे ही चाहत्यांसाठी दिलासादायक बाब आहे.
सलमान खानचा वाढदिवस
27 डिसेंबरला सलमान खानचा 56 वा वाढदिवस आहे. अशा परिस्थितीत सलमान खान भव्य सेलिब्रेशन करेल, त्यानंतर तो त्याच्या फार्महाऊसवर विश्रांती घेईल हे सांगणे कठीण आहे. ख्रिसमस साजरा करण्यासाठी सलमान कुटुंब आणि मित्रांसह त्याच्या फार्म हाऊसवर पोहोचला होता. विशेष म्हणजे हा परिसर डोंगर आणि जंगलाने वेढलेला आहे.
