रेशन कार्ड ऑनलाइन नोंदणी ; आवश्यक नियम आणि कागदपत्रे

हे तर आपल्याला माहीतच असेल की,देशातील जवळजवळ प्रत्येक नागरिकांसाठी ‘रेशन कार्ड’ किती महत्वाचे सरकारी डॉक्युमेंट आहे. रेशनकार्ड सर्वात महत्वाच्या कागदपत्रांपैकी एक आहे. रेशनकार्ड राज्य सरकारद्वारे नागरिकांना जारी केले जाते आणि कार्ड धारकास सरकारने जारी केलेले अन्न, इंधन आणि इतर वस्तूंचा रेशन मिळण्याचा हक्क या एका रेशनकार्डमुळे नागरिकांना प्राप्त होतो.

प्रामुख्याने रेशनकार्ड धारकांना गहू, तांदूळ, साखर आणि रॉकेल, खाद्य तेल हे शासनाच्या राशन दुकानातून पात्र कार्डधारकांना मिळत असते तसेच व्यक्तीच्या ओळखीचा तपशील आणि वास्तव्याचा एक महत्त्वाचा पुरावा म्हणून देखील या रेशनकार्डचा सरकारी दप्तरी उपयोग केला जातो आणि सामान्यतः अधिवास प्रमाणपत्र, जन्म प्रमाणपत्र, मतदार ओळखपत्र इत्यादीसाठी अर्ज करताना ओळखीचा पुरावा म्हणून वापरला जातो.

रेशनकार्ड (शिधापत्रिका) पूर्वी छापील पुस्तिका म्हणून दिल्या जायच्या त्यामध्ये कुटुंबाची सर्व आर्थिक माहिती, कुटुंब प्रमुख व कुटुंबातील सदस्यांची संख्या नमूद असते. राज्य सरकारांनी नुकतेच दस्तऐवजाचे डिजिटायझेशन सुरू केले आहे. डिजिटल शिधापत्रिकांवर स्विच करणे संपूर्ण भारतात अद्याप झालेले नाही कारण या कार्डांचे प्रशासन वैयक्तिक राज्य सरकारे हाताळतात.

शिधापत्रिकेचे एकूण तीन प्रकार आहेत….

पिवळी/हिरवी/लाल शिधापत्रिका – दारिद्र्यरेषेखालील लोकांसाठी. ही शिधापत्रिका अन्न, इंधन आणि इतर वस्तूंवर विविध सबसिडी मिळवण्यासाठी आहेत.

पांढरी शिधापत्रिका – ही शिधापत्रिका दारिद्र्यरेषेवरील लोकांसाठी आहेत. ते ओळखीचा पुरावा म्हणून मदत करतात.

रेशन कार्डसाठी कोण अर्ज करू शकतो?

भारतात कायमस्वरूपी राहणारी कोणतीही व्यक्ती ज्याला रेशनचे धान्य घ्यायचे आहे परंतु,-त्याने/तिने किंवा त्याच्या वतीने इतर काही व्यक्तीने यापूर्वी अर्ज केलेला नाही किंवा असे कार्ड ताब्यात घेतलेले नाही.

-तो/ती किंवा त्याच्या कुटुंबातील कोणत्याही सदस्याचा दुसर्‍या शिधापत्रिकेत समावेश नाही.

रेशन कार्डसाठी अर्ज करण्याची प्रक्रिया जाणून घ्या…

रेशनकार्डसाठी अर्ज करण्याची प्रक्रिया, डिजिटल असो किंवा अन्यथा, अर्जदार ज्या राज्यातून अर्ज करत आहे त्यानुसार बदलते. प्रत्येक राज्याची स्वतःची व्यवस्था असते परंतु मूलभूत रचना स्थिर असते.

या लिंक वर रेशन कार्ड करिता ऑनलाईन नोंदणी करू शकता…
https://rcms.mahafood.gov.in/PublicLogin/frmPublicUserRegistration.aspx https://aaplesarkar.mahaonline.gov.in/en