जळगाव ;- मुंबई येथील नायर हॉस्पिटलमध्ये शिक्षण घेत असलेल्या डॉ.पायल तडवी या वैद्यकीय शिक्षण घेणाऱ्या विद्यार्थीनीने रॅगिंगला कंटाळून आत्महत्या केली आहे.या घटनेचा निषेध करण्यासाठी आज दि 31 रोजी आज सकाळी 10 ते 12 वाजेच्या दरम्यान जळगाव येथील नागरिक, सामाजिक संघटना, विद्यार्थी संघटना आदींनी एकत्र येत जिल्हाधिकारी कार्यालया समोर जोरदार धरणे आंदोलन केल .
मुंबई येथील नायर हॉस्पिटलमध्ये शिक्षण घेत असलेल्या डॉ. पायल तडवी या वैद्यकीय शिक्षण घेणाऱ्या विद्यार्थीनीला तीन वरिष्ठ विद्यार्थिनींकडून होणाऱ्या रॅगिंगला कंटाळून नायर रुग्णालयातील महाविद्यालयाच्या वसतिगृहात गळफास घेऊन आत्महत्या केली होती. डॉ पायल तडवी या मूळ जळगाव जिल्ह्यातील रहिवासी असून नायर हॉस्पिटलमध्ये शिक्षण घेत होत्या. वरिष्ठ महिला डॉक्टरांनी हिणवीत उच्चशिक्षित महिला डॉक्टरांनी असा प्रकार करून आत्महत्येस प्रवृत्त करण्याची घटना घडली आहे. या घटनेचा जळगावकरांनी तीव्र निषेध नोंदवत धरणे आंदोलन केले. यावेळी गफ्फार मलिक,करिम सालार,वासंतीताई दिघे,प्रतिभा शिरसाट,फारूक शेख,नाशेरखा तवडी अदिवासी तडवी समाज अध्यक्ष राजकुमार बाल्दी,फिरोज पिंजारी,फरीद पिंजारी,श्री.खाकरे आदी मोठया संख्येने उपस्थित होते.
