पुणे,– दौंड येथे प्रसूतीसाठी दाखल झालेल्या एका महिलेला प्रसूतीच्या ‘कळा’ येतं असतांना डॉक्टरांकडून अमानुष पणे मारहाण झाल्याची धक्कादायक घटना उघडकीस आली असून सदर गर्भवती महिलेच्या फिर्यादीवरून डॉक्टर विरुद्ध गुन्हा दाखल करण्यात आला आहे.
एका गर्भवती महिलेला प्रसूतीदरम्यान ओरडल्याबद्दल डॉक्टर कडून चापटांनी, बुक्क्यांनी मारहाण करण्यात आली आहे. यवत येथील रुग्णालयात ही घटना घडली आहे.
प्राप्त माहितीनुसार, पूजा गोरख दळवी यांना प्रसूती वेदना होत असल्याने त्यांना उपचारासाठी यवत येथील रुग्णालयात दाखल करण्यात आले होते त्यावेळी प्रसूतीच्या कळांनी ती महिला किंचाळत होती आणि डॉक्टरांनी तिच्या शरीराच्या विविध भागांवर चापटांनी मारहाण केली. तक्रारीनुसार, महिलेच्या चेहऱ्याचे काही भाग काळे आणि निळे झाले आहेत. डॉक्टरांनी केलेल्या अमानुष मारहाणीविरोधात महिलेने यवत पोलिसात तक्रार दाखल केली. आरोपींविरोधात गुन्हा दाखल करण्यात प्रचंड खळबळ उडाली आहे.
