पुणे, दि.१६ – दसरा सणाच्या मुहूर्तावर सोनं लुटतात हे खरं असलं तरी या दिवशी लुटण्यात येणारं सोनं म्हणजे ‘ आपट्याची पाने ‘ असतात, मात्र पुण्यात सोन्याच्या शोरूम मध्ये काम करणाऱ्या कामगाराने चक्क दसऱ्याच्या दिवशी अस्सल १ कोटी 1८ लाख ६६ हजार रुपयांची जबरी चोरी केल्याचं उघडकीस आल्याने खळबळ उडाली आहे.
पुण्यातील पिंपरी परिसरात सोन्याच्या एका शोरूम मध्ये हा प्रकार घडला आहे. सोनं चोरी झाल्याचा प्रकार लक्षात येताच ज्वेलर्स दुकानाच्या मालकाने त्वरित चिखली पोलीस ठाण्यात गुन्हा दाखल केला आहे.
मुकेश सोलंकी असं गुन्हा दाखल झालेल्या ३० वर्षीय कामगाराचं नाव आहे.दरम्यान आरोपीच्या शोधासाठी पोलीस पथकं रवाना झाली आहेत. या घटनेचा पुढील तपास चिखली पोलीसांच्या वतीने चालू आहे.
