विरार येथे भोंदूबाबाने पैशांचा पाऊस पाडण्याचे आमिष दाखवून चार महिलांवर अत्याचार केल्याची धक्कादायक घटना समोर आल्याने खळबळ उडाली, दरम्यान भोंदूबाबा विरुद्ध पीडित महिलांनी तक्रार दिल्यानंतर पोलिसात गुन्हा दाखल करण्यात आला आहे.
याबाबत प्राप्त माहिती अशी की, पैशाचे पाऊस पाडून देतो असल्याबाबत भोंदूबाबाने या महिलांना आमिष दाखविले. पैशांचा पाऊस पाडण्यासाठी भोंदूबाबाने आर्थिक गंडा देखील घातला आहे. त्याचबरोबर ‘जादूने संपूर्ण कुटुंबाला ठार करेल ’, अशी धमकी देत पीडित महिलांवर अनेकवेळा अत्याचार केल्याचं उघडकीस आलं आहे. यामुळे परिसरात खळबळ उडाली आहे.
विरार येथील एका 26 वर्षीय पीडित महिलेची आर्थिक परिस्थिती अडचणीची होती. दरम्यान, जुलै महिन्यात पीडित महिलेच्या ओळखीच्या व्यक्तीने मॅथ्यू पंडियनची माहिती दिली होती, त्यानंतर या भोंदूबाबाच्या जाळ्यात ही महिला फसत गेली.आपली फसवणूक झाल्याचे कळताच पिडित चारही महिलांनी अर्नाळा सागरी पोलिस स्टेशनमध्ये भोंदूबाबा विरोधात फिर्याद दिली. दरम्यान भोंदूबाबा आणि त्याच्या साथीदाराच्या पोलिसांनी मुसक्या आवळल्या आहेत.
