मुंबई: आधीच महागाईमुळे सर्वसामान्यांचे कंबरडी मोडली गेली असता त्यात इंधन दरात होणाऱ्या दरवाढीने जगणे कठीण झाले आहे. सात दिवसांच्या सुस्साट घोडदौडीनंतर अखेर पेट्रोल आणि डिझेलच्या दरवाढीला लगाम बसला आहे. आज पेट्रोलियम कंपन्यांनी मंगळवारी पेट्रोल आणि डिझेलच्या दरात कोणतीही वाढ केलेली नाही. त्यामुळे सामान्यांना किमान आजपुरता दिलासा मिळाला आहे.
आज जळगावमध्ये एक लीटर डिझेलचा भाव १०० रुपये पार गेले आहे. तर आज पेट्रोल १११.५९ वर गेले आहे.तर मुंबईत पेट्रोलचा प्रतिलीटर दर 110.41 रुपये इतका आहे. तर एका लीटर डिझेलसाठी 101.03 रुपये मोजावे लागत आहेत. पुण्यात आज पेट्रोलचा दर 109.92 रुपये इतका आहे. तर डिझेलसाठी 98.98 रुपये मोजावे लागत आहेत. तर दिल्लीत पेट्रोल आणि डिझेलचा दर अनुक्रमे 104.44 आणि 93.17 रुपये इतका आहे. हे दर आज दिवसभरासाठी लागू राहतील. मुंबईत डिझेलने शनिवारीच 100 रुपयांचा विक्रमी टप्पा ओलांडला होता. तर दिल्लीत पेट्रोलच्या दराने पहिल्यांदाच 104 रुपयांची पातळी ओलांडली आहे.
दररोज 6 वाजता बदलतात किमती
दररोज सकाळी 6 वाजता पेट्रोल आणि डिझेलच्या किमतीत बदल होत असतो. सकाळी सहा वाजता नवे दर लागू केले जातात. पेट्रोल आणि डिझेलच्या किमती एक्साइज ड्युटी, डिलर कमिशन आणि अन्य गोष्टी जोडल्यानंतर त्याचा भाव जवळपास दुप्पट होतो.
