नवी दिल्ली, : जर तुम्ही सोनंखरेदीचा विचार तर आताच तुमच्यासाठी सुवर्णसंधी आहे. गेल्या काही दिवसांपासून सोन्याच्या दरात घसरण होत आहे. सोन्याच्या किमती गेल्या वर्षीच्या ऑगस्ट महिन्यातील उच्चांकी स्तरापासून सुमारे, 9,300 कमी आहेत. दरम्यान आज मात्र सोन्याचे दर वधारले आहेत.
मल्टी कमोडिटी एक्सचेंजवर डिसेंबरच्या सोन्याची वायदे किंमत 0.14% नी वाढली आहे. तर चांदीच्या दरात 0.48 टक्क्यांची घसरण झाली आहे.
सोने आणि चांदीचा भाव
मल्टी कमोडिटी एक्सचेंजवर डिसेंबरच्या सोन्याची वायदे किंमत 0.14% नी वाढून 46,892 रुपये प्रति तोळावर पोहोचली आहे. तर चांदीच्या दरात 0.48 टक्क्यांची घसरण झाल्याने आजचा भाव 60,963 रुपये आहे.
9300 रुपयांनी स्वस्त आहे सोनं
ऑगस्ट 2020 मध्ये सोनं 56,200 रुपये प्रति 10 ग्रॅमच्या सर्वोच्च पातळीवर पोहोचले होतं. तर आज एमसीएक्सवर सोन्याचा भाव 46,892 रुपये प्रति तोळा या स्तरावर आहे. त्या हिशोबाने आज 9300 रुपयांनी सोन्याचा भाव कमी आहे. त्यामुळे गुंतवणूकदारांसाठी सोनेखरेदीची ही उत्तम संधी आहे.
मिस्ड कॉल देऊन जाणून घ्या सोन्याचे दर
तुम्हाला जर सोन्याचांदीचे दर माहित करून घ्यायचे असतील तुम्ही घरबसल्या हे काम करू शकता. 22 आणि 18 कॅरेट सोन्याचे दर जाणून घेण्यासाठी तुम्हाला 8955664433 या क्रमांकावर मिस्ड कॉल द्यावा लागेल.
