जळगाव ( प्रतिनिधी ) – राष्ट्रवादी काँग्रेसचे नेते एकनाथराव खडसे गेल्या काही दिवसांपासून विविध विषयावर माझ्यावर बेछुट आरोप करीत असतात, मला त्यांचा राग येत नाही तर त्यांची कीव येते त्यांचे आता मानसिक संतुलन बिघडले आहे. म्हणून ते कुणावरही काहीही बेछूट आरोप करीत असल्याचे प्रत्युत्तर देत आज आमदार गिरीश महाजन यांनी पत्रकार परिषद घेऊन पलटवार केला.
पुढे बोलतांना आमदार गिरीश महाजन म्हणाले की, होय मी राहत होतो भाड्याच्या घरात…. माझे वडील होते शिक्षक… पण सर्वाना माहित आहे की जामनेरच्या शेजारीच आमची 30 एकर जमीन आहे आज त्याचे काय भाव आहेत… तरी नाथाभाऊंनी त्यांचे सत्ताधारी पक्षातील वजन वापरून माझ्या सगळ्या मालमत्तांची चौकशी करावी असे आव्हान आमदार गिरीश महाज यांनी दिले .
