पुणे ग्रामीण विभागात येणाऱ्या कदमवाकवस्तीच्या सरपंच गौरी गायकवाड यांना मारहाण होतांनाचा व्हिडीओ व्हायरल झाला असून यात एक पुरुष एका महिलेला मारहाण करतांना दिसत आहेत.
सदर महिला सरपंचाला राष्ट्रवादीच्या कार्यकर्त्याने मारहाण केली आहे असा आरोप भाजप नेत्या चित्रा वाघ यांनी केला असून मारहाण होतं असलेला ‘तो’ व्हिडीओ चित्रा वाघ यांनी ट्विटर हॅण्डल वरून पोस्ट करत राष्ट्रवादीला जाब विचारला आहे.
या व्हीडिओमध्ये एक तरूण एक महिलेला मारहाण करताना दिसतो आहे. इतर काही महिला येऊन या महिलेला बाजूला करत असल्याचंही दिसतं आहे. मारहाण होतं असलेली महिला या कदमवाकवस्तीच्या सरपंच गौरी गायकवाड आहेत. त्यांना राष्ट्रवादी काँग्रेसच्या कार्यकर्त्याने मारहाण केली असा आरोप चित्रा वाघ यांनी केला आहे.
चित्रा वाघ यांनी ट्विट करून म्हटलं आहे की,गृहखातं ज्या पक्षाकडे आहे त्या पक्षाच्या आमदार व कार्यकर्त्यांना महिला अधिकारी यांना गलिच्छ शिवीगाळ करणं, त्यांना धमक्या देणं, महिला सरपंचांना मारहाण याचं लायसन दिलं आहे का? हे धक्कादायक, चीड आणणारं आणि तळपायाची आग मस्तकापर्यंत नेणारं आहे. पुण्याजवळील कदमवाकवाडी गावातल्या लोकनिर्वाचित सरपंच गौरी गायकवाड यांना मारहाण झाली आहे. मारहाण करणारा कोण? तर तो आहे राष्ट्रवादीचा कार्यकर्ता असं ट्विट चित्रा वाघ यांनी केलं आहे.
हे धक्कादायक चीड आणणारं आणि तळपायाची आग मस्तकापर्यंत नेणारं आहे !
पुण्याजवळील कदमवाकवस्ती गावच्या लोकनिर्वाचित सरपंच @GauriCGaikwad यांना मारहाण झालीय !
मारहाण करणारा कोण? तर तो आहे @NCPspeaks चा !…..(१/२)@PuneCityPolice @CPPuneCity @Dev_Fadnavis @BJP4Maharashtra pic.twitter.com/IKZs4Bakts
— Chitra Kishor Wagh (@ChitraKWagh) September 3, 2021
