देशात गेल्या २४ तासात ३३ हजार ९६४ जण कोरोनामुक्त, ४६० जणांचा मृत्यू

नवी दिल्ली : भारताला कोरोना संक्रमणाच्या तिसऱ्या लाटेचा धोका संभावतोय. याच दरम्यान आज (बुधवारी) सकाळी आरोग्य मंत्रालयाकडून देण्यात आलेल्या माहितीनुसार देशात गेल्या २४ तासात ४१ हजार ९६५ कोरोनाबाधित रुग्ण आढळले आहेत. तर गेल्या २४ तासांत तब्बल ४६० जणांनी आपले प्राण गमावले आहेत.

गेल्या २४ तासात देशात ३३ हजार ९६४ जण कोरोनामुक्त होऊन घरी परतले. भारतातील एकूण कोरोनाग्रस्तांचा आकडा आता 3 कोटी 28 लाख 10 हजार 845 वर गेला आहे. देशात आतापर्यंत 3 कोटी 19 लाख 93 हजार 644 रुग्ण बरे झाले आहेत. तर 4 लाख 39 हजार 20 रुग्णांनी आतापर्यंत कोरोनामुळे प्राण गमावले आहेत. 3 लाख 78 हजार 181 इतके सध्याच्या घडीला सक्रिय रुग्ण आहेत.