तळोदा : येथील जागृत देवस्थान असलेला कनकेश्वर महादेव मंदिरात श्रावण महिन्याचे औचित्य साधत सत्यनारायण व महाप्रसादाचे आयोजन करण्यात आले होते.
तळोदा शहरातील राणी अहिल्यादेवी होळकर यांनी निर्माण केलेल्या कनकेश्वर महादेव मंदिर हे जागृत देवस्थान म्हणून प्रसिद्ध आहे. श्रावण महिन्यात भक्तांचा मेळा याठिकाणी भरत असतो, श्रावण महिन्याचे औचित्य साधत राष्ट्रवादीचे प्रदेश उपाध्यक्ष तथा माजी आ. उदेसिंग पाडवी व लोकनियुक्त नगराध्यक्ष अजय परदेशी यांच्या हस्ते महाआरती करण्यात आली. तळोदा येथील सुभाष जैन यांनी याठिकाणी महाप्रसादाचे आयोजन केले होते. आरतीप्रसंगी नगरसेवक रामानंद ठाकरे, नगरसेवक हितेंद्र क्षत्रिय नगरसेवक, रा.काँ.पार्टीचे शहर अध्यक्ष योगेश मराठे, कृ.उ.बा.समितीचर संचालक भरत चौधरी, सामाजिक कार्यकर्ते संदीप परदेशी, केसरसिंग क्षत्रिय, संजय गांधी निराधार समितीचे सदस्य नितीन पाडवी, कृ.उ.बा.समितीचे संचालक प्रहाद फोके, सामाजिक कार्यकर्ता,डॉ संदीप जैन,सुभाष जैन,चंद्रकांत जैन, ईश्वर पोटे, महेंद्र पोटे आदी उपस्थित होते.
