वाशिम | भाजपचे माजी खासदार किरीट सोमय्या हे आज वाशिम दौऱ्यावर होते. यातच आज त्यांच्या ताफ्यावर दगडफेक करण्यात आली आहे. शिवसैनिकांनी ही दगडफेक केल्याचं सांगण्यात येत आहे. सोमय्यांच्या ताफ्यावर दगडफेक आणि शाईफेक करण्यात आली.
किरीट सोमय्या यांनी सोशल मीडियावर पोस्ट शेअर करत या दगडफेकीच्या घटनेविषयी सांगितलं आहे. ट्विट करत त्यांनी शिवसेनेच्या कार्यकर्त्यांनी हे केल्याचा आरोप केला आहे. खासदार भावना गवळी ग्रुपचे 100 कोटींचे घोटाळे, हायवे कंत्राट अडथळे, खासगी कंपन्या, बँका, पोलीस स्थानकाला भेट देणार असल्याचं सांगितलं.
देगाव येथील भावना गवळी यांच्या रिसोड येथील बालाजी पार्टिकल बोर्ड या कारखान्याला भेट देणार आहेत. किरीट सोमय्या यांनी शिवसेना खासदार भावना गवळी यांच्यावर भ्रष्टाचार, आर्थिक गैरव्यवहाराचे आरोप केला आहे.
दरम्यान, स्वत: किरीट सोमय्या यांनीही या घटनेचे फोटोज ट्विट केले आहेत. किरीट सोमय्या हे या ठिकाणी न थांबताच निघून गेले. पोलिसांना मात्र परिस्थिती नियंत्रणात आणण्यासाठी लाठीचार्ज करावा लागला.
