जळगाव प्रतिनिधी | माजी मंत्री कॉंग्रेसचे ज्येष्ठ नेते एकनाथराव खडसे यांच्या कन्या अध्यक्षा असणार्‍या जळगाव जिल्हा मध्यवर्ती सहकारी बँकेला ईडीची चौकशीसाठी नोटीस पाठविल्याची माहिती समोर आली आहे. यामुळे एकच खळबळ उडाली आहे.
भोसरी जामीन घोटाळ्याप्रकरणी एकनाथराव खडसे यांची ईडीकडून चौकशी झाली असून त्यांचे जावई गिरीश चौधरी हे ५ जुलैपासून ईडीच्या अटकेत आहेत. यानंतर खडसे आणि त्यांच्या सौभाग्यवती यांची देखील चौकशी अजून बाकी आहे. दरम्यान, हे सारे होत असतांना आता नाथाभाऊंनी कन्या रोहिणी खडसे या अध्यक्षा असणार्‍या जळगाव जिल्हा मध्यवर्ती सहकारी बँकेला ईडीने चौकशीसाठी नोटीस पाठविल्याची माहिती आता समोर आल्याने खळबळ उडाली आहे.
दरम्यान, या नोटीसमध्ये नेमकी कोणत्या प्रकरणाबाबत चौकशी होणार आहे याबाबतही अद्याप पूर्ण माहिती समोर आलेली नाही.
