जळगाव प्रतिनिधी । जळगाव जिल्ह्यामध्ये कोरोनाबाधितांचे प्रमाण कमी होत असल्याचे दिसत आहे. १ मे पासून सातत्याने नवीन रुग्ण कमी होत असून बाधित रुग्णांपेक्षा बरे होणाऱ्या रुग्णांचे प्रमाण सतत वाढते आहे. ही जिल्ह्यासाठी अतिशय दिलासादायक बाब आहे.
दरम्यान, आज सोमवारी गेल्या अडीच ते तीन महिन्यांतील सर्वांत कमी बाधित रुग्ण आढळून आले आहे. आज दिवसभरात १५८ नवे रुग्ण आढळून आले तर आजच ४९० रुग्ण बरे होऊन घरी गेले आहे.
जिल्ह्यातील एकूण रुग्णसंख्या १ लाख ३९ हजार ९८५ झाली. तर ४९० रुग्ण बरे झाले, बरे होणाऱ्यांचा एकूण आकडा १ लाख ३१ हजार ८७४ वर पोचला आहे. तर गेल्या २४ तासांत चार रुग्णांचा मृत्यू झाला. एकूण बळींचा आकडा २५३२ वर पोचला आहे. जिल्ह्यात सध्या ५ हजार ५७९ रुग्णांवर उपचार सुरु आहे.
असे आढळले रुग्ण
जळगाव शहर-७, जळगाव ग्रामीण-५, भुसावळ-१४, अमळनेर-६, चोपडा-२, पाचोरा-१६, भडगाव-२ , धरणगाव-१, यावल-८, एरंडोल-१९, जामनेर-७, रावेर-४, पारोळा-२, चाळीसगाव-४७, मुक्ताईनगर-२, बोदवड-१२ आणि इतर जिल्ह्यातील ४ असे एकुण १५८ बाधित रूग्ण आढळून आले आहे.
