जळगाव प्रतिनिधी : जळगाव जिल्ह्यातून आज कोरोना बाधिताबाबतची दिलासा देणारी आकडेवारी समोर आली आहे. आज दिवसभरात १६९ नवे रुग्ण आढळून आले आहे. तर २७८ रुग्ण बरे होऊन घरी गेले. नवे कोरोना रुग्ण घटतानाच कोरोनाबळींच्या संख्याही कमी झाल्याने मोठा दिलासा मानला जात आहे. गेल्या २४ तासात केवळ ०४ रुग्णांचा मृत्यू झाला.
जळगाव जिल्ह्यात एप्रिलच्या शेवटच्या आठवड्यापासून रुग्णसंख्या कमी होऊ लागली. १ मेपासून सातत्याने नव्या बाधितांमध्ये घट होऊन बरे होणाऱ्यांचा आकडा वाढत राहिला. जिल्ह्यातील एकूण बाधित रुग्णांची संख्या १ लाख ३९ हजार ५०० झाली. त्यापैकी बरे होणाऱ्यांचा आकडा १ लाख ३० हजार ५५४ वर पोचला आहे. गेल्या २४ तासांत ०४ जणांचा मृत्यू झाला. एकूण बळींचा आकडा २५२० एवढा आहे.
आजची आकडेवारी
जळगाव शहर-२०, जळगाव ग्रामीण-२, भुसावळ-११, अमळनेर-०, चोपडा-६, पाचोरा-७, भडगाव-५, धरणगाव-०, यावल-२०, एरंडोल-१, जामनेर-२३, रावेर-१२ पारोळा-१२, चाळीसगाव-४२, मुक्ताईनगर-३, बोदवड-४ आणि इतर जिल्ह्यातील १ असे एकुण १६९ बाधित रूग्ण आढळून आले आहे.
