पश्चिम बंगाल विधानसभा निवडणुकीची संपूर्ण देशभर चर्चा सुरु असतांना झोपडीत राहणाऱ्या एका मजदूर महिलेने निवडणुकही लढली आणि विजय देखील मिळवून थेट आमदार झाल्याने सोशल मीडियात जोरदार चर्चेत आल्या आहेत.
भारतीय जनता पक्षाने या निवडणुकीत ७७ जागा जिंकल्या असून गेल्या निवडणूक पेक्षा यावेळेस मोठं यश भाजपानं या राज्यात मिळवलं आहे.भाजपानं चंदना बाउरी या गरीब मजदूर महिलेला उमेदवारी दिली तेव्हापासून त्या चर्चेत आल्या होत्या. दररोज मजुरी करणार्‍या मजुराची पत्नी ३० वर्षीय चंदना बाउरी यांचा विधानसभा निवडणूकित विजय झाला असून त्या विधानसभेत पोहोचल्याची पाहून सर्वांनाच धक्का बसला आहे.
बाउरी यांनी तृणमूल कॉंग्रेसचे उमेदवार संतोषकुमार मंडलचा ,४ हजार मतांनी पराभव केला आहे.निवडणुकीसाठी चंदना बाउरी यांनी सादर केलेल्या प्रतिज्ञापत्रानुसार तिची संपत्ती ३१, ९८५ आहे, तर तिच्या पतीची संपत्ती ३०,३११ रुपये आहे. याशिवाय त्याच्याकडे तीन गायी आणि तीन शेळ्या आहेत.
अतिशय सामान्य कुटुंबातील महिला आज विधानसभा मध्ये गेल्याने या महिलेच्या यशाबद्दल सोशल मीडियावर जोरदार कौतुक होतं असून सर्वच स्तरातून अभिनंदन होतं आहे.
