नूतन गृहमंत्री दिलीप वळसे पाटील यांनी गृहमंत्री पदाचा काल पदभार स्विकारल्या नंतर राष्ट्रवादी काँग्रेस पक्षाचे प्रदेशाध्यक्ष जयंत पाटील यांनी आपल्या जुन्या मैत्रीचा व राजकीय प्रवासातील जुन्या मित्राचा अर्थात दिलीप वळसे -पाटील यांचा फोटो ट्विट केला आहे.
राष्ट्रवादी काँग्रेस पक्षाचे प्रदेशाध्यक्ष, जलसंपदा मंत्री जयंत पाटील यांनी ट्विट करून म्हटलं आहे की,माझे जुने मित्र ना. दिलीप वळसे पाटील यांनी गृहमंत्री पदाचा कार्यभार आज स्वीकारला. कडक शिस्त, कायद्याची सखोल जाण असणारे ते प्रशासक आहेत. ज्या खात्यात काम केले तिथे त्यांनी त्यांच्या कर्तृत्वाचा ठसा उमटवला आहे. आता या नवीन जबाबदारीसाठीही त्यांना मनापासून शुभेच्छा!
जयंत पाटील यांनी केलेल्या या जुन्या फोटोत दिलीप वळसे पाटील व स्वतः जयंत पाटील दिसत असून काँग्रेस च्या युवक मेळाव्याला प्रमुख म्हणून उपस्तिथ असल्याचे यावरून दिसत आहे,राष्ट्रवादी काँग्रेसच्या स्थापने पूर्वी काँग्रेस मध्ये असतांनाचा हा फोटो असावा. राजकारणातील ही जुनी मैत्री खरंच आजही तशीच आहे हे महत्वाचे आहे.
