पुणे, (प्रतिनिधी) – परभणी येथील राष्ट्रवादी काँग्रेसचे नेते राजेश विटेकर यांच्यावर आज एका महिलेने लैंगिक अत्याचाराचा आरोप केला असून राजेश विटेकर यांनी माझे अश्लील व्हीडिओ तयार करुन माझ्यावर वर्षभर अत्याचार केले असल्याचा खळबळ जनक आरोप केला असल्याने राजकीय वर्तुळात खळबळ उडाली आहे.
तक्रारदार महिलेने गुरुवारी पुण्यात भूमाता ब्रिगेडच्या अध्यक्षा तृप्ती देसाई यांच्यासोबत पत्रकारपरिषद घेतली. यावेळी या महिलेने आपल्यावरील झालेल्या अन्याया बाबत म्हणणं मांडलं असून मी या सगळ्याविरोधात तक्रार केली होती. माझ्याकडे सर्व पुरावे सुद्धा आहेत. पण मला केवळ तपास सुरु असल्याचे सांगितल्या जाते.
तर राजेश विटेकर यांनी शरदh पवार यांच्या पाठबळामुळे माझ्यावर गुन्हा दाखलच होणार नाही असं सांगून मला धमाकावलं असल्याचे या पीडित महिलेले सांगितलं.
