मुंबई, (प्रतिनिधी)- राष्ट्रवादी काँग्रेस पक्षाचे अध्यक्ष शरद पवार उद्या एंडोस्कोपी शस्त्रक्रिया प्रक्रियेसाठी रुग्णालयात दाखल केले जाणार होते, परंतु त्यांना पुन्हा पोटात वेदना होत असल्याने आजच त्यांना मुंबईतील ब्रीच कँडी रुग्णालयात दाखल करण्यात आले असल्याची माहिती राष्ट्रवादीचे नवाब मलिक यांनी दिली आहे.
राष्ट्रवादी काँग्रेसचे राष्ट्रीय अध्यक्ष शरद पवार यांना पोटात दुखत असल्याने ब्रीच कँडी रुग्णालयात रविवारी तपासणीसाठी दाखल करण्यात आले होते.
दरम्यान ब्रीच कँडीमध्ये तपासणी झाल्यानंतर पित्ताशयावर शस्त्रक्रिया बुधवारी करण्यात येणार होती मात्र त्या पूर्वीच वेदना होतं असल्याने आज त्यांना रुग्णालयात दाखल करण्यात आले आहे.
