मुंबई, (प्रतिनिधी) – राज्यात दिवसेंदिवस कोरोना संसर्ग वेगाने वाढत असतांना कालच मुख्यमंत्री उद्धव ठाकरे यांनी ‘टाक्स फोर्स’ च्या बैठकीत कडक निर्बंध पाडत नसतील तर लॉकडाऊन ची तयारी करण्याबात निर्देश दिल्यानंतर आज भाजपनं लॉकडाऊनला विरोध केला असतांना राष्ट्रवादी पक्षाचे प्रवक्ते, कॅबिनेट मंत्री नवाब मलिक यांनी देखील लॉकडाऊन बाबत पक्षाची भूमिका माध्यमांशी बोलतांना स्पष्ट केली आहे.
नवाब मलिक म्हणाले की,आम्ही लॉकडाउन पर्याय घेऊ शकत नाही. आम्ही मुख्यमंत्र्यांना इतर पर्यायांवर विचार करण्यास सांगितले आहे. वाढत्या घटनांमुळे त्यांनी लॉकडाउनची तयारी करण्याचे निर्देश प्रशासनाला दिले आहेत पण याचा अर्थ असा नाही की लॉकडाउन अपरिहार्य आहे. नागरिकांनी नियमांचे पालन केल्यास लॉकडाऊन टाळता येऊ शकते असं ते यावेळी बोलत होते.
