राष्ट्रवादी काँग्रेस पक्षाचे अध्यक्ष शरद पवार यांच्या प्रकृती अस्वास्थ्याची बातमी कळताच मुख्यमंत्री उद्धव ठाकरे, महाराष्ट्र नवनिर्माण सेनेचे प्रमुख राज ठाकरे,लता मंगेशकर यांनी थेट शरद पवारांशी दूरध्वनीद्वारे संपर्क साधून प्रकृतीची आस्थेने विचारपूस केली असून याबाबत खुद्द पवार यांनीचं ट्विट करून माहिती दिली आहे.
राष्ट्रवादी काँग्रेसचे राष्ट्रीय अध्यक्ष शरद पवार यांना पोटात दुखत असल्याने ब्रीच कँडी रुग्णालयात रविवारी तपासणीसाठी दाखल करण्यात आले होते.दरम्यान ब्रीच कँडीमध्ये तपासणी झाल्यानंतर पित्ताशयावर शस्त्रक्रिया करण्यात येणार आहे.
दोन दिवस औषधे बंद करण्यात आली आहे. शिवाय ३१ मार्चला अँडोस्कोपी झाल्यानंतर शस्त्रक्रिया केली जाईल.त्यामुळे शरद पवार यांचे आजपासूनचे सर्व कार्यक्रम रद्द करण्यात आले आहेत असं प्रवक्ते व कॅबिनेट मंत्री ना.नवाब मलिक यांनी कळविले आहे.
शरद पवार यांची प्रकृती अस्वस्थ असल्याचे कळाल्यानंतर अनेक राजकीय, सामाजिक क्षेत्रातील मान्यवरांनी आस्थेवाईक पणे तब्बेतीची चौकशी केली आहे.मुख्यमंत्री उद्धव ठाकरे, राज ठाकरे,लतादीदी मंगेशकर व आदी मान्यवरांनी आस्थेवाईक पणे केलेल्या चौकशीचे शरद पवार यांनी आभार मानले आहे.
