पाचोरा (प्रतिनिधी) :- भडगाव तालुक्यातील एका युवकाचा मोबाईल चुकुन रस्त्यावर पडल्यावर पेपर विक्री करणार्‍याने तात्काळ प्रामाणिकपणे पोलीस ठाण्यात मोबाईल दिला या घटनेमुळे प्रामाणिक पेपर विक्रीत्याचे खाकी सह राजकीय नेत्यांनी कौतुक केले.
या घटनेची माहिती अशी की भडगाव तालुक्यातील बात्सर येथील युवक देवा गायकवाड हा स्टेशन रोड वर पाणीपुरी खात असतांना त्याचा अंदाजे विस हजार रुपये किमतीचा मोबाईल खिशातून खाली पडला सदर युवक त्या जागेवरून सरळ स्टेट बँकेत आपल्या मित्रां सोबत आला त्या दरम्यान रस्त्यावरील पडलेल्या मोबाईल वर स्टेशन वर पेपर विक्री करणारे सुरेश गायकवाड यांचा पाय पडला त्यांनी मोबाईल उचलला आणि कुणाचा आहे जागेवर तपास केला त्यावेळी मोबाईल मालक आढळून आला नाही. त्यामुळे त्यांनी थेट पोलीस ठाणे गाठले. ज्या युवकाचा मोबाईल हरवला तो स्टेट बँक च्या बाहेर मोबाईल खिशात नाही म्हणून रडायलाच लागला यावेळी कॉग्रेस चे नेते सचिनदादा सोमवंशी यांनी सदर युवकाची आपुलकीने चौकशी करुन लागलीच त्याच्या मोबाईलवर कॉल केला असता पोलीस कॉन्स्टेबल निलेश गायकवाड यांनी कॉल उचलत पोलीस ठाण्यात मोबाईल सुरक्षित असल्याचे सांगितलेवर देवा गायकवाड चा जिवात जीव आला.
कॉग्रेस चे श्री सोमवंशी यांनी सदर युवकास पाचोरा पोलीस ठाण्यात घेऊन गेल्यावर पोलीस निरीक्षक किसनराव नजनपाटील यांच्या हस्ते सदरचा मोबाईल देवा गायकवाड ला सुपुर्द करण्यात आला. धकाधकीच्या युगात सुरेख गायकवाडांच्या प्रामाणिकपणा चे कौतुक कॉग्रेस चे नेते सचिनदादा सोमवंशी सह पोलीस निरीक्षक किसनराव नजनपाटील यांनी केली.
यावेळी पोलीस हवालदार हंसराज मोरे, पो. नाईक विकास खैरे, पो. कॉ. योगेश पाटील, किरण पाटील, निलेश गायकवाड, राहुल बेहरे, राहुल सोनवणे, अमृत पाटील आदी उपस्थित होते. मोबाईल हातात आल्यावर देवा गायकवाड ने कॉग्रेस नेते सचिनदादा सोमवंशी सह सुरेश गायकवाडांचे आणि पो कॉ निलेश गायकवाड आभार मानले.
