पाचोरा– येथील श्री गो से हायस्कूल मध्ये नववी आणि दहावीच्या वर्गांसाठी शासनाच्या स्वाध्याय उपक्रमांसाठीचे प्रशिक्षण वर्ग मंगळवारी कलादालनात संपन्न झाले.
या प्रशिक्षण वर्गाला गटशिक्षणाधिकारी विकास पाटील यांचे मार्गदर्शन लाभले. यावेळी गटशिक्षणाधिकारी विकास पाटील यांनी स्वतः मोबाईलवर विद्यार्थ्यांना स्वाध्याय सोडविण्यासाठी आवश्‍यक असलेली लिंक आणि त्या लिंक द्वारे स्वाध्याय सोडविण्यासाठी आवश्‍यक असलेले प्रशिक्षण दिले. यावेळी नववी आणि दहावीच्या वर्गातील 85 विद्यार्थी उपस्थित होते. ९वी आणि १० वी च्या वर्गातील विद्यार्थ्यांना वर्गाच्या व्हाट्सअप ग्रुपवर संबंधित लिंक आणि फोन नंबर पाठविण्यात आली असून त्या माध्यमातून शाळेतील नववी आणि दहावीच्या सर्व विद्यार्थ्यांना या स्वाध्यायाला जोडण्यासाठी प्रयत्न केले जाणार असून विद्यार्थ्यांसाठी हा स्वाध्याय अत्यंत महत्त्वपूर्ण असल्याचे गटशिक्षणाधिकारी यांनी यावेळी सांगितले.यावेळी व्यासपीठावर शाळेचे मुख्याध्यापक सुधीर पाटील,पर्यवेक्षक आर.एल.पाटील,ए.बी.अहिरे तसेच सर्व शिक्षक आणि विद्यार्थी विद्यार्थिनी उपस्थित होते.
