जळगाव– शहरातील भाईचंद हिराचंद रायसोनी मल्टी-स्टेट पतसंस्थेतील अपहार तसेच फसवणूक प्रकरणात एमआयडीसीतील बीएचआरच्या कार्यालयासह अवसायक कंडारे यांच्या राहत्या घरी आर्थिक गुन्हे शाखेकडून अचानक छापे टाकण्यात आले आहेत.
याबाबत सविस्तर वृत्त असे की,शहरातील बीएचआर प्रकरणातील अपहार तसेच फसवणूक प्रकरणात चौकशीसाठी पुणे येथील आर्थिक गुन्हे शाखेचे उपायुक्त भाग्यश्री नवटके यांच्या मार्गदर्शनाखाली 136 जणांचे पथक आज सकाळपासुन जळगाव येथे दाखल झाले असून बीएचआर फसवणूक प्रकरणात अवसायक व इतर संबंधितांची चौकशी सुरु असल्याचं समजत.
आर्थिक गुन्हे शाखेच्या पथकाकडून संबंधितांकडे कागदपत्रांसह सर्व माहिती, तसेच पंचनामा करण्याचे काम सुरु आहे. अचानक पडत असलेल्या या छाप्यामुळे संबंधितांमध्ये खळबळ उडाली आहे.याप्रकरणी अद्याप तपशील बाहेर आलेला नाही.
