मुंबई, – अन्वय नाईक आत्महत्या प्रकरणी रिपब्लिकन भारतचे संपादक अर्णब गोस्वामी यांना पोलिसांनी अटक केल्यापासून तर अर्णब यांच्या सुटकेनंतरही भाजपने मुख्यमंत्री उद्धव ठाकरे यांना चांगलेच लक्ष केल्याचं दिसून येत आहे तर भाजपचे खासदार यांनी अन्वय गोस्वामी यांच्या व मुख्यमंत्री यांच्या पत्नी सोबत झालेल्या जमीन व्यवहाराची चौकशी करण्याची मागणी करून टीकेची झोड उठवली असतांना यावर शिवसेनेचे खासदार संजय राऊत यांनी आपल्या ट्विटर हॅन्डल वरून ट्विट करून टीका करणाऱ्यांचा चांगलाच समाचार घेतला आहे.
खासदार संजय राऊत यांनी केलेल्या ट्विट मध्ये म्हटलं आहे कि, “अन्वय नाईक यांच्याशी 21 व्यवहार केल्याची ‘थाप’ सोमय्या महोदयांनी मारली आहे. आम्ही म्हणतोय आता बाप दाखव नाहीतर श्राद्ध कर,एका भगीनीचे कुंकू पुसलयाचे दु:ख या व्यापारी अवलादीस नाही. तक्रार जमिनीच्या व्यवहारा बाबत नसून भगिनीचे कुंकू पुसण्या बाबत आहे. शेठजी, जरा जपून! जय महाराष्ट्र….
असं ट्विट करून संजय राऊत यांनी किरीट सोमय्या यांच्या आरोपांवर पलटवार करत चांगलाच समाचार घेतला आहे.
