जळगाव – वंचित बहुजन आघाडी आगामी विधानसभा निवडणूक स्वबळावर लढवीत असून त्या करिता राज्यभरात इच्छुक उमेदवार मुलाखती देत आहेत. जळगाव, धुळे, नंदुरबार या तीन जिल्ह्यांच्या इच्छुक उमेदवारासाठी दि. 29 जुलै 2019 रोजी धुळे येथील सर्किट हाऊस येथे मुलाखती घेतल्या जाणार आहे. तरी इच्छुक उमेदवारांनी या दिवशी मुलाखती द्याव्या असे आवाहन पक्षातर्फे करण्यात आले आहे.
वंचित बहुजन आघाडीचे नेते बाळासाहेब प्रकाश आंबेडकर यांच्या नेतृत्वात महाराष्ट्रातील आगामी विधानसभेच्या 288 जागा पक्ष लढवीत आहे. पक्षाच्या तिकिटावर निवडणूक लढविणाऱ्या इच्छुकांची संख्या मोठ्या प्रमाणात आहेत म्हणूनंच राज्यभर मुलाखतींचा जोर कायम आहे. तीन जिल्ह्यासाठी धुळे येथे होत असलेल्या इच्छुकांच्या मुलाखती करिता पार्लियामेंट्री बोर्डाचे सदस्य तथा वंचित बहुजन आघाडीचे नेते अण्णाराव पाटील, भारिप बहुजन महासंघाचे प्रदेश अध्यक्ष अशोकराव सोनोने महिला आघाडीच्या प्रमुख रेखाताई ठाकूर, प्रा. किसन चव्हाण हे घेणार आहेत. मुलाखती सकाळी 10 वाजेपासून सुरु होतील असे वंचित बहुजन आघाडी जिल्हाध्यक्ष प्रमोद इंगळे यांनी कळविले आहे.
