जळगाव – येथील गोदावरी अभियांत्रिकी महाविद्यालयात २८ ते ३० मे दरम्यान फॅकल्टी डेवलपमेंट प्रोग्राममध्ये २०० प्राध्यापक, संशोधक, आणि औद्योगिक क्षैत्रातील व्यतीनी सहभाग नोंदवला.
इलेक्ट्रीकल ट्रान्समिशन अँन्ड डिस्ट्रीब्युशन सिस्टीम या विषयावर घेण्यात आलेल्या या कार्यशाळेत सदयस्थीतीत ट्रान्समिशन आणि डीस्ट्रीब्युशन क्षैत्रातील नवीन तंत्रज्ञान याबाबत चर्चा व मार्गदर्शन करण्यात आले. कोविड १९ च्या परिस्थीतीत ऑनलाईन व्हीडीओच्या माध्यमातून २०० व्यक्तीनी या सेमीनारमध्ये सहभाग नोंदवला. पहिल्या दिवशी एम एस ई टी सी एल औरंगाबादचे प्रमुख अभियंता अनिल भारसाकळे यांनी विदयुत मंडळाच्या सुचनेनुसार ट्रान्समिशन लाईन चांगल्या स्थीतीत ठेवण्यासाठी काय काळजी घ्यावी याबाबत एक्ट्रा हाय व्होल्टेज ट्रान्समिशन लाईन अँन्ड मेन्टेंनन्स, विषयावर उहापोह केला. महाजनकोचे निवृत्त अभियंता नागेश पांडे यांनी पॉवर क्वालीटीआणि नेट मिटरींग इश्यु इन डिस्ट्रीब्युशन सिस्टीम सोबत रेनेवेबल सोर्स इंटरफेंन्स या विषयावर मार्गर्शन करतांना सोलर सिस्टीमची उपयुक्तता विषद केली. राजीव गांधी इंजिनिअरींग अँन्ड रिसर्च सेटर नागपूर येथील राहूल जावळे यांनी लो व्होल्टेज डिस्ट्रीब्युशन सिस्टीम या विषयावर मार्गदर्शन करतांना कमी दाबावर चालणा—या डी सी डिस्ट्रीब्युशन सिस्टीमची माहिती देत नवीन तंत्रज्ञान व तिचा उपयोग विषद केला. या कार्यशाळेच्या यशस्वीतेसाठी अध्यक्ष माजी खा. डॉ उल्हास पाटील, सचिव डॉ वर्षा पाटील, सदस्या डॉ केतकी पाटील यांनी ऑनलाईन सहभाग नोंदवत शुभेच्छा व्यक्त केल्यात. गोदावरी अभियांत्रिकीचे प्राचार्य डॉ व्ही एच पाटील यानी प्रास्ताविक केले. उपप्राचार्य प्रा प्रविण फालक यांनी सहभाग नोंदवला, सुत्रसंचालन व आभार विद्युत अभियात्रिकी विभाग प्रमुख प्रा. अतुल ब—हाटे यांचेसोबत प्रा महेश पाटील, प्रा सचिन महेश्री यांनी मानले.
