जळगाव : येथील रोटरी क्लब ऑफ जळगाव गोल्डसिटीचा पदग्रहण सोहळा हॉटेल रॉयल पॅलेसच्या सभागृहात आज शनिवार दि.१३ रोजी संपन्न झाला. नूतन अध्यक्ष संजय दहाड, मानद सचिव राहुल कोठारी यांनी रोटरी डि्ट्रिरक्ट ३१३१ चे माजी प्रांतपाल मोहन पालेशा व सहप्रांतपाल डॉ. तुषार फिरके यांच्या प्रमुख उपस्थिती पदाची सूत्रे स्विकारली.
मावळते अध्यक्ष प्रखर मेहता यांनी संजय दहाड यांना तर मानद सचिव विनायक बाल्दी यांनी राहुल कोठारी यांना पदाची सूत्रे म्हणून कॉलर पीन व चार्टर प्रदान केले. प्रखर मेहता यांनी वर्षभरातील कार्याचा आढावा तर विनायक बाल्दी यांनी सचिवाचा अहवाल सादर केला. नूतन अध्यक्ष संजय दहाड यांनी ‘माय इयर अहेड’ म्हणून मनोगत व्यक्त करुन कार्यकारीणीची घोषणा केली. त्यात प्रेसिडेंट इलेक्ट विनायक बाल्दी, सहसचिव सुनिल आडवाणी, कोषाध्यक्ष यश रावलाणी, सार्जट ॲट आर्म तुषार जाखेटे, कार्यकारिणी सदस्य म्हणून प्रवेश मुंदडा, अमित आहुजा, राकेश सोनी, सी.ए.प्रिती मंडोरा, डॉ.सुर्यकिरण वाघण्णा, काजल मेहता, राजेंद्र सलुजा, अमोल असावा, प्रसन्ना जैन, अभिषेक अग्रवाल, कुणाल शहा, धिरज अग्रवाल आणि निलेश जैन आदिंचा समावेश आहे. याप्रसंगी प्रमुख अतिथी माजी प्रांतपाल मोहन पालेशा यांनी मार्गदर्शन केले. यावेळी प्रसन्न जैन संपादीत क्लबच्या बुलेटीनचे प्रकाशन करण्यात आले. प्रांतपाल राजेंद्र भांमंंंरे यांच्या संदेशाचे सहप्रांतपाल डॉ. तुषार फिरके यांनी वाचन केले तर परिचय अमित आहुजा यांनी करुन दिला. सूत्रसंचालन तृप्ती त्रिवेदी व मेहुल त्रिवेदी यांनी तर आभार प्रदर्शन सी.ए. प्रिती मंडोरे यांनी केले. राष्ट्रगीताने सोहळ्याची सांगता झाली.
