- शेतकऱ्यांच्या समृद्धीसाठी युवा नेते अमोल शिंदे यांनी केली पायी वारी
पाचोरा – विठ्ठला भरपूर पाऊस पडू दे, धनधान्य पिकू दे,सर्वांच्या हाताला काम दे,आणि माझा पाचोरा-भडगाव तालुका सुखी संपन्न होऊ दे ,अशी मागणी करण्यासाठी
येथील भारतीय जनता पार्टीचे युवा नेते व माजी नगरपरिषद गटनेता अमोलभाऊ शिंदे यांनी आषाढी एकादशीच्या निमित्ताने पाचोरा ते खान्देशातील प्रतिपंढरपूर पिंपळगाव हरेश्वर पर्यंत पायी वारी करून समाजातील युवकांपुढे भक्तीभावाचा एक नवा आदर्श समोर ठेवला आहे. एवढेच नव्हे तर समाजातील अध्यात्म भक्तीभाव व धार्मिक भावना जोपासणारे युवा नेतृत्व म्हणून त्यांनी एक आगळा-वेगळा युवा नेता असल्याचे सिद्ध केले .
आषाढी एकादशीच्या निमित्ताने अमोलभाऊ शिंदे यांच्या नेतृत्वाखाली तारीख १२ जुलै रोजी पहाटे ७.०० वाजता पाचोरा कृष्णापुरी येथील नवीन विठ्ठल मंदिरात विठ्ठल-रुक्मिणीची मनोभावे पूजा करून पायी वारी ला सुरुवात झाली त्यानंतर सुमारे दीड हजार युवा वारकऱ्यांच्या सोबत वारी पिंपळगाव हरेश्वर कडे मार्गस्थ झाली या वारीत अमोल शिंदे यांचे समवेत कृषी उत्पन्न बाजार समिती सतीशबापू शिंदे,पं.स.समिती सभापती बन्सीलाल बापू पाटील, कृ.उ.बा.समिती उपसभापती ऍड. विश्वासराव भोसले,डॉ.अर्चना पाटील (पं.स.सदस्य भडगाव ), नरेंद्र पाटील (कृ.उ.बा.समिती संचालक) विष्णू अहिरे (नगरसेवक),ऍड.योगेश पाटील (मा.नगरसेवक),गणेश पाटील (भाजयुमो तालुकाध्यक्ष),सुनिल पाटील (सरपंच जारगाव),डॉ. विशाल पाटील,इत्यादी मान्यवर या दिंडीत सहभागी झाले होते.विशेषतः महिला वारकऱ्यांची ही उपस्थिती लक्षणीय होती .
दिंडीच्या अग्रभागी पाचोरा येथील लक्ष्मीमाता वारकरी सेवा भक्ती मंडळ पाचोरा, व गुरुदत्त नवतरुण भजनी मंडळ खडकदेवळा बु.सहभागी झाल्याने वारीचा उत्साह वाढला होता या भजनी मंडळाचे सुनिताताई देसले,ज्ञानेश्वरमाऊली सातगावकर व गोविंदमहाराज शिंदे,आणि मनोहर महाराजांच्या सुश्राव्य भजनांच्या तसेच टाळ मृदंग व चिपळ्यांच्या सुरेल संगीताच्या तालावर मार्गस्थ झालेली ही दिंडी दुपारी १२.००वाजता पिंपळगाव येथे पोहोचली. दिंडीच्या मार्गात अमोल शिंदे युवा प्रतिष्ठान मोंढाळा, राजे छत्रपती शिवाजी मित्र मंडळ शेवाळे,ओम साईराम मित्र मंडळ वाडी, मित्र मंडळ शिंदाड, छत्रपती कब्बडी मित्र मंडळ शिंदाड, राजपूत मित्र मंडळ शिंदाड ह्या मंडळानी वारकऱ्यांसाठी फलाहार ,अल्पोपहार, पिण्याचे पाणी,सरबत ,नाश्ता ,साबुदाणा खिचडी, भगर, आदी आहाराची व्यवस्था केलेली होती.
अमोलभाऊ शिंदे यांनी स्वतः २३ कि.मी. हे अंतर पायी चालून पिंपळगाव हरेश्वर येथे आगमन झाल्यानंतर १२.०० वाजता अमोलभाऊ शिंदे यांच्या हस्ते विठ्ठल रुक्मिणी ची आरती करण्यात आली,त्यावेळी त्यांनी सर्व वारकऱ्यांच्या साक्षीने विठू माउलीला साकडे घातले कि आमच्या पाचोरा-भडगाव तालुक्यात भरपूर पिक-पाणी होऊ दे, व माझा शेतकरी बांधवाला सुखी व समृद्ध राहूदे. असे त्यांनी प्रतिक्रिया देतांना सांगितले.
