चाळीसगाव येथील हरी ओम खाजगी औद्योगिक प्रशिक्षण संस्थेकडून विद्यार्थ्यांना घरी बसून ऑनलाईन प्रशिक्षण सुरु

चाळीसगाव – लॉकडाऊनमुळे शाळा,महाविद्यालये बंद आहेत,त्यामुळे चाळीसगाव येथील हरी ओम खाजगी औद्योगिक प्रशिक्षण संस्थेने व्हॉट्सअप ग्रुप तयार करून विद्यार्थ्यांना घरी बसून ऑनलाईन प्रशिक्षण देणे सुरु केले आहे.यांस विद्यार्थी देखील चांगला प्रतिसाद देत आहेत.
राज्यभरातील औ. प्र.संस्थेत लॉकडाऊनमुळे प्रशिक्षणार्थ्यांचे नियमित प्रशिक्षण बंद पडले होते.यावर मात करून वर्क फ्रॉम होम संकल्पनेतून हरी ओम खाजगी औद्योगिक प्रशिक्षण संस्थेकडून विद्यार्थ्यांना घरीबसून ऑनलाईन प्रशिक्षण देण्याची सोय तयार करून देण्यात आली असुन यामध्ये विद्यार्थ्यांचे व्हॉट्सअप ग्रुप तयार केले असून ऑनलाईन झूम मीटिंग अॅप,भारत स्किल वरील व्हिडिओ यांच्या माध्यमातून विद्यार्थ्यांना प्रशिक्षण दिले जात आहे.विद्यार्थी सुद्धा मोठ्या संख्येने प्रतिसाद देत आहे.या गोष्टींचा आढावा ग्रुप च्या माध्यमातून दररोज संस्थेचे प्राचार्य भुषण खलाणे घेतात.संस्थेच्या सर्व निदेशकांच्या नियोजनबद्ध कामामुळे खूप मोठे यश मिळालेलं आहे. तसेच घरी बसून ऑनलाईन प्रशिक्षण दिल्यामुळे पालकांकडून देखील कौतुक केले जात आहे.तालुक्यातील एक आदर्श संस्था म्हणून आज ओळखली जात आहे.यापुढेही लॉकडाऊन संपेपर्यंत अशाच पद्धतीने विद्यार्थ्यांना ऑनलाईन प्रशिक्षण देणे सुरुच राहील अशी माहिती संस्थेचे प्राचार्य भुषण खलाणे यांनी दिली.